Qazaqtyń qabyrǵaly qalamgeriniń «Jaryq dúnıe» atty shyǵarmasy ataýymen jarııalanǵan báıgege Astana, Shyǵys Qazaqstan, Atyraý, Ulytaý, Almaty, Pavlodar, Aqtóbe jáne basqa da aımaqtardan jıyrmadan asa jas jazýshy qatysty.
«Baıqaýǵa túsken týyndylar biri-birinen ótedi. Á dep oqyǵanda-aq ıirip áketedi. Keıbireýinde Qalıhannyń, Qabdeshtiń stıli bar. Proza qıyn janr. Sonyń ózinde osynshama shyǵarma túskenine shyn qýanyp otyrmyn. Jeńiske jetken jazýshylarǵa qutty bolsyn aıtamyn», dedi ádil qazylar tóraǵasy, jazýshy Álibek Qańtarbaı.
Sonymen, jeńis tuǵyrynan kóringender sahna tórine shaqyryldy. Yntalandyrý syılyǵyna úsh qalamger ıe bolyp, aqshalaı syılyqpen marapattaldy. Júldeli III-orynmen Ulytaý oblysynan «Kúshála» atty áńgimesi úshin Abaı Oraz marapattaldy. II-oryn katonqaraǵaılyq Gúlfaıra Qaıroldınanyń qanjyǵasyna baılandy. Al I-oryn Almatynyń atynan shyqqan Maǵaz Retbekke buıyrdy. Bas júldege Muqaǵalıdiń týǵan jerinen jetken Murasyl Serikjan laıyq dep tabyldy.
Aıta keteıik, baıqaýdyń joǵary deńgeıde ótýine qala ákimdigi qoldaý kórsetti.
