Foto: Ashyq derekkóz
Esterińizge sala keteıik, Iýn Sok Ioldiń ózi de qazirgi tańda tergeý ızolıatorynda otyr. Oǵan áskerı tótenshe jaǵdaı engizýge talpynysy úshin aıyp taǵylǵan. Bıyl sáýir aıynda oǵan ımpıchment jarııalanyp, ol prezıdenttik qyzmetinen shettetilgen bolatyn.
Arnaıy prokýror Mın Djýn Kı-diń aıtýynsha, Kım Kon Hı kapıtal naryǵy, saıası qorlar týraly zańdardy buzyp, deldaldyq úshin para alǵan.
Tergeý málimetine sáıkes, ol 2009–2012 jyldary aksııalarmen manıpýlıasııa jasaý shemasyn qarjylandyryp, 2022 jylǵy prezıdenttik saılaý aldynda kúıeýimen birge «yqpaldy brokerden» tegin sosıologııalyq saýalnamalar alǵan. Buǵan jaýap retinde ol eks-depýtat Kım Ion Sýnnyń kezekten tys parlament saılaýyna túsýine qoldaý kórsetken dep aıyptalǵan.
Sonymen qatar Kım Kon Hı 2022 jyly Birigý shirkeýinen iskerlik qyzmetter úshin shaman arqyly qymbat syılyqtar alǵan degen kúdikke ilingen.
Aıyp resmı túrde onyń aldyn ala qamaý merzimi aıaqtalýyna eki kún qalǵanda taǵylǵan. Osyǵan baılanysty ol taǵy alty aıǵa deıin qamaýda qalýy múmkin. Eger jańa aıyptar anyqtalsa, qamaý merzimi uzartylýy yqtımal.
Kım Kon Hı qamaýǵa alynǵannan beri bes ret tergeýshilerge jetkizilgenimen, kóbine ózin-ózi aıyptamaý quqyǵyn paıdalanyp kelgen. Qazir tergeý jalǵasyp jatyr. Oǵan zergerlik buıymdardy berip, memlekettik qyzmetke taǵaıyndaýlar nemese iskerlik jeńildikter alǵan degen kúdikke ilingen adamdardyń úılerinde tintý júrgizilip jatyr.
Eske sala keteıik, qazirgi tańda Ońtústik Koreıa prezıdenti – Lı Chje Mıon. Ol bıyl 3 maýsymda ótken kezekten tys saılaýda jeńiske jetkennen keıin memleket basshysy bolyp saılandy. Buǵan deıin, Iýn Sok Iol qyzmetinen ketken soń, eldi ýaqytsha premer-mınıstr Han Dok Sý basqarǵan edi. Ol keıin otstavkaǵa ketip, ornyna jańa premer-mınıstr bolyp Kım Mın Sok taǵaıyndaldy.
