foto: ashyq derekkóz
Búgingi tańda Almatyda 6 perzenthana bar. Olardyń bári de qalypty jáne kúrdeli júktilikpen kelgen áıelderdi bosandyrýǵa, sondaı-aq kesar otasyn jasaýǵa mamandanǵan. Júkti áıelder MÁMS júıesinde budan basqa pregravıdti daıarlyq, ıaǵnı júktilikti aldyn-ala josparlaý, áıeldi bala kótergenge deıin tekserip, emdep, túrli dert saldarynan júktilik kezinde bolatyn asqynýlardyń aldyn alý syndy kómek túrlerin paıdalana alady.
Máselen, 2025 jyly bul baǵdarlamaǵa Qor tarapynan 673 mln teńge qarastyrylǵan.Oǵan qosa júktilik kezinde akýsher-gınekologtyń turaqty baqylaýynda bolý, josparly analızderdi tapsyrý, ýltradybystyq zertteýden, skrınıngterden ótý, salalyq mamandar kómegine júginý t.b. qyzmetter bar. Buǵan Qor 3,8 mlrd teńge bólgen.
Sol sııaqty qalypty bosandyrý, kesar tiligimen ota jasaý, dári-dármektermen, qosalqy materıaldarmen qamtamasyz etýge 12 mlrd teńge qarastyrylǵan.
Qazaqstanda jumys isteıtin júkti áıelderge MÁMS úshin jarnany jumys berýshi, jumys istemeıtinder úshin memleket tóleıdi. Bala dúnıege kelgen sátten bastap 18 jasqa deıin memleket tarapynan saqtandyrylady.
«Bizdiń elimizde barlyq áıel saqtandyrylǵan. Olardyń árqaısysy tegin bosanýǵa haqyly. Bosandyrýǵa ketetin shyǵyn qansha bolsa da MÁMS esebinen tólenedi», deıdi Almaty fılıaly dırektorv Ilııas Muhamedjan.
