«Transkaspıı halyqaralyq kólik baǵdarynyń nemese Orta dálizdiń órkendeýi – bizdiń ortaq kúsh-jigerimizdiń nátıjesi. Bul – Qytaı, Ortalyq Azııa jáne Eýropa arasynda úzdiksiz júk tasymaldaýǵa múmkindik beretin anaǵurlym qysqa ári ornyqty kólik baǵyty», – dedi Memleket basshysy.
Prezıdenttiń aıtýynsha, Qazaqstan bul baǵyttaǵy negizgi tranzıt toraby retinde óziniń rólin kúsheıtip keledi.
«2024 jyly “Dostyq – Moıynty” ýchaskesinde qosymsha temirjol jelisiniń iske qosylýy Qazaqstan arqyly Qytaı – Eýropa dálizimen bes ese kóp júk jóneltýge múmkindik beredi», – dep jazdy Toqaev.
Maqalada Sıan qalasynda qazaqstan-qytaı saýda-logıstıka ortalyǵy ashylǵany jáne Aqtaý portynda konteınerlik habtyń qurylysy aıaqtalǵany aıtyldy. «Bul jobalar kólik qatynastaryn nyǵaıtyp, Eýrazııadaǵy tranzıttik áleýetimizdi kúsheıtti», – dedi Prezıdent.
Ol sondaı-aq Transkaspıı dálizi tek qos el úshin ǵana emes, búkil óńirlik saýdanyń órkendeýine yqpal etetinin atap ótti.
