Oblystyq bilim basqarmasynyń bergen málimetinshe, qazir óńirde 304 mektep jumys isteıdi, onda 102 myńnan astam bala bilim alady. Al bıylǵy oqý jylynda 1-synypqa 10 155 oqýshy barady, olardyń 7 146-sy qazaq synyptaryna, 3 009-y orys synyptaryna qabyldanady. Qazir qabyldaý jumystary 95 paıyzdan astamy oryndalǵan.
Jańa oqý jylynda barlyq mektep oqý prosesin Oqý-aǵartý mınıstrliginiń ádistemelik nusqaý hattaryna sáıkes bastaıdy. Oqý uzaqtyǵy 1-synyptarda 33 apta, al 2-11 synyptarda 34 apta bolyp bekitilgen. Bilim sapasyn arttyrý maqsatynda «Keleshek mektepteri» jáne «Aýyl mektebi – sapa alańy» jobalary iske asyp jatyr.
Oqýlyqpen qamtý úshin bıyl 12 baspamen shart jasalyp, 133 myńnan astam kitap satyp alyndy. Qazirgi tańda olar aýdandyq bilim bólimderine jetkizilýde. Áleýmettik qoldaý sharalary sheńberinde 54 myńnan astam oqýshy tegin ystyq tamaqpen qamtamasyz etiledi.
121 eldi mekennen 3 myńnan astam oqýshy mektepke arnaıy avtobýstarmen tasymaldanady. Internetke qosylý tolyq qamtamasyz etilip, aýyl mektepteri úshin Starlink júıesi paıdalanylýda.
Jańa oqý jylynda tárbıelik jumystar da kúsheıtiledi. «Adal azamat» baǵdarlamasy aıasynda oqýshylardyń patrıottyq jáne azamattyq qundylyqtaryn qalyptastyrýǵa baǵyttalǵan jobalar júzege asyrylady. Sondaı-aq sabaq úderisine jasandy ıntellekt elementteri engizile bastaıdy. Qyrkúıek aıynan bastap barlyq mektepte «Jeke qaýipsizdik sabaqtary» qaıta engiziledi.
Abaı oblysy
