AIBYNDY ARMIIа

ALMATY Qanat ESKENDIR, «Egemen Qazaqstan».

 

  Jalpy, el bolyp atap ótip otyrǵan 7 mamyr – Otan qorǵaýshy kúni merekesi qalanyń ortalyq alańyndaǵy Táýelsizdik monýmentine gúl shoqtaryn qoıýdan bastaldy. Bul sharaǵa Almaty qalasynyń ákimi Ahmetjan Esimov, Uly Otan soǵysynyń ardagerleri men tyl eńbekkerleri, Aýǵan soǵysyna qatysýshylar men Qazaqstan Respýblıkasy Parlamentiniń depýtattary qatysty. – Esterińizde bolsa, 1992 jyly dál osy kúni Elbasy Nursultan Nazarbaev Qazaqstan Qarýly Kúshterin qurý týraly Jarlyqqa qol qoıǵan bolatyn. Mine, sodan beri Memleket basshysy osy merekege oraı Otan qorǵaý isine qaltqysyz qyzmet etken áskerı qyzmetkerlerge áskerı shen berip, marapattap keledi. Barsha qala turǵyndary men qonaqtaryn aıtýly merekemen quttyqtaımyn! – dedi qala basshysy. Almaty saıabaqtarynda, mádenıet úıle­rinde jáne metro zaldarynda Otan qorǵaýshy kúnine oraı uıymdas­tyrylǵan merekelik kórmeni tamashalaýǵa da adam kóp jınaldy. Qaladaǵy barlyq aýdan ortalyqtarynda sporttyq sharalar, mýzykalyq vıktorınalar, jetkinshekterdi patrıottyq rýhta tárbıeleýge negizdelgen áskerı oıyndar ótkizilip, qala qonaqtary men turǵyndaryna syı-sııapat taratyldy. Elimizge tanymal estrada ónerpazdary men qalalyq etnomádenı birlestikteri ónerpazdarynyń uıymdastyrǵan merekelik konserti halyqtyń kóńilinen shyǵyp, túngi qala aspanyn ot-shashý kómkerdi. *************** Aqtaý Gúlaıym ShYNTEMIRQYZY, «Egemen Qazaqstan».   Mańǵystaýda sáýirdiń sońǵy kún­derinde bastalǵan Otan qorǵaýshy kúnine ar­nalǵan merekeler irili-usaqty mádenı mekemeler, mektep-balabaqsha, aýdan-qala­­larda óz jalǵasyn tapty. Áskerı bólim­­derde konsertter ótkizilip, túrli deńgeıdegi marapat­tardy tapsyrý da nazardan tys qalǵan joq. On kún boıy oblystyq fılarmonııa men ǵylymı-ádistemelik jáne máde­nı qyzmet kórsetý ortalyǵy solıs­teri áskerı bólimderde konsert berse, oblystyq tarıhı – ólketaný mura­jaıy «Mańǵystaýlyqtar Uly Otan soǵy­synda» atty kórmesin, «45-tiń kók­temi» atty kórkemsýret baıqaýyn ótkiz­di. Qazaqstan Respýblıkasy UQK Mań­ǵystaý oblysy boıynsha departamenti qyz­metkerleriniń «Máńgilik alaý» mo­nýmentine gúl shoqtaryn qoıyp taǵzym etý sharasy merekelik konsertke ulassa, etnomádenı birlestikterdiń Otan qor­ǵaýshy kúnine jáne Jeńistiń 70 jyl­dyǵyna arnalǵan merekelik keshi ótti. 7 mamyr Mańǵystaýda kún bulyń­ǵyr, sirkiregen jaýyn-shashyndy boldy. Jeri qurǵaq, jańbyry az bolyp keletin óńir turǵyndary jańbyrdy jaqsylyqqa jorıdy jáne ony árkez qýana qarsy alady. Sol sebepti, mereke kúniniń jańbyrly bolýyna renish emes, kerisinshe qýanysh sezimi ańǵaryldy. Meıramda Astana alańynan «Máńgilik alaý» monýmentine deıin Aqtaý qalasyndaǵy áskerı bólimderdiń bes júz áskerı qyzmetkerleri jappaı júgirý estafetasyn ótkizip, onlaın translıasııa arqyly Astana qalasynda ótken áskerı sherýdi tamashalady. Turǵyndarǵa arnalǵan merekelik konsertter men alýan túrli ózge de sharalar merekeniń sánin asyryp, sıpatyn asha tústi. ATYRAÝ Joldasbek ShО́PEǴUL, «Egemen Qazaqstan».   Otan qorǵaýshy kúni Atyraýda ár alýan­ sharalarmen aıshyqtaldy. Ásirese, eldi súıý, jerdi qorǵaýdyń mańyzyn jas býynnyń sanasyna sińirý isi júıe­lenip keledi. Osy oraıda, Isataı-Ma­ham­bet tarıhı-memorıaldyq alańynda «Jasulan-2015» áskerı-patrıottyq sleti ótkizilgenin aıtýǵa bolady. Bul sharaǵa óńir mektepterinen 13 komanda qatysyp, oqýshylardy otanshyldyqqa tárbıeleýge áseriniń moldyǵymen erekshelendi. Oblystyq bilim basqarmasynyń basshysy Berikqalı Sársenǵalıevtiń aıtýynsha, qazir óńirdegi mektepter men kolledjderde qurylǵan 100 áskerı-patrıottyq klýbtyń 4000-nan astam oqýshylar men stýdentter múshesi bar. Áskerı-patrıottyq slettiń qorytyndysy boıynsha Inder aýdanynyń M.Áýezov atyndaǵy orta mektebiniń komandasy birinshi júldeni ıelendi. Al oblystyq qorǵanys isteri jónindegi departament ujymy arnaıy saltanatty shara ótkizdi. Onda departament basshysy Rýslan Netalıev Qazaqstan Qarý­ly Kúshteriniń el qorǵanysyn nyǵaı­­týdaǵy róline keńinen toqtalyp, memleket tarapynan jasalyp otyrǵan qoldaýdy tarqatyp aıtyp berdi. «Eldiń qorǵanys salasy nyǵaıyp, jastardyń áskerge barýǵa yntasy artyp keledi», degen departament basshysy áriptesterin marapattady. Máselen, Batys aımaǵynyń áskerı prokýrory Janbolat Aıekenov «S.Nur­maǵambetov atyndaǵy» estelik medalmen, al departamenttiń beldi qyzmetkeri Aıgúl Saspanova «T.Bıgeldınov atyndaǵy» estelik medalmen marapattaldy. Sonymen birge, Uly Otan soǵysynyń ar­dageri Alek­sandr Smyslov, Qarýly Kúsh­ter ardageri Aslan Muhambetalıev jáne bir­neshe áskerı qyzmetkerge Alǵys hat berildi. Bul kúni №41433 áskerı bóliminde «Qa­zaq­stan áskerindegi bir kún» atty ashyq esik sharasyna jınalǵandarǵa áskerı qarý-jaraqtar men áskerı kıimder úlgileri ta­nystyryldy. Bólim sarbazdary qoıan-qoltyq urys jattyǵýlaryn kórsetti. Al oblystyq balalar kitaphanasynda «Ulanymyz uly eldiń» taqyrybymen atty ádebı-sazdy sharasy ótti. *************** KО́KShETAÝ Baqbergen AMALBEK, «Egemen Qazaqstan».   7 mamyr kúngi merekeniń kókshelikter úshin erekshe mán-maǵynasy da bar edi. Otan soǵysyndaǵy zulmat shaıqastardy elestetetin Jeńis alleıasynyń tanym tórinde ataqty jerlesimiz, Keńes Odaǵynyń Batyry, akademık Málik Ǵabdýllınge kóp­ten kútken eńseli eskertkish ornatyldy. Eleýli oqıǵaǵa qatysty jurtshy­lyq jıynyn Aqmola oblysynyń ákimi Sergeı Kýlagın quttyqtaý sózben ashyp, eskert­kish jamylǵysyn túsirý qurmeti Qazaq­stan Qarýly Kúshteriniń úzdik ofıseri Edil Eljas pen Kókshetaý tehnıka­lyq ınstıtýtynyń oqý ozaty Beksul­tan Rahymbaevqa berildi. Mine, aq jaıma aıqara ashylyp, Batyr Máliktiń tutastaı qoladan quıylǵan 3 metrlik asqaq beınesi el-jurtpen qaıta qaýyshqandaı qýanyshty áserge bóledi. Eskertkish avtory, Qazaqstan Sýretshiler odaǵynyń múshesi, belgili músinshi Toqtar Ermekovke rızashylyqpen qol shapalaqtaldy. Músin mańy gúl shoqtarymen kómkerildi. Batyrdyń týysy, «Bank pozıtıv Kazah­stana» AQ departamentiniń dırektory Má­dı­na Batpenova, nemere inisi Janataı Beke­nov, Kókshetaýdaǵy M.Ǵabdýllın mýzeıi­niń dırekt­ory Qudaıberli Myrza­be­kov batyr jerlesimizdiń týǵanyna 100 jyl tolýy qarsańynda boı kótergen eskertkishtiń ha­lyq rýhyn kóterýdegi orny erekshe eken­digin atap ótip, aıtýly sharaǵa yqpal jasaǵan oblys basshylyǵyna rahmetterin jetkizdi. Saltanatqa qatysýshylar men áskerı shep túzegen jaýyngerler Abylaı han ­ala­ńyna baǵyt aldy. Munda óńir basshysy jınalǵan qaýymdy Otan qorǵaýshy kúni­men jáne Uly Jeńistiń 70 jyldyǵymen qut­tyqtap, birqatar áskerı qyzmetkerler men soǵys jáne tyl ardagerlerine S.Nur­maǵam­betov, T.Bıgeldınov, B.Momyshuly atyndaǵy eskertkish medaldar men Alǵys hattar tapsyrdy. Alańnyń kórnekti jerine ornatylǵan záýlim ekrannan dıktordyń el júregi Astanadaǵy merekelik áskerı paradtyń bastalǵany týraly habary jetti. Qaıys­qan halyq ony tik turyp tamashalady. Jurtshylyq Qazaqstan Prezıdenti, Jo­ǵarǵy Bas qolbasshy Nursultan Nazar­baev­tyń paradty qabyldaýdaǵy sózin yqy­las qoıa tyńdady. Sondaı-aq, oblys tur­ǵyndary aıbyndy sapta ótken Kókshe­taý teh­nıkalyq ınstıtýtynyń kýrsanttary men Shoqan Ýálıhanov atyndaǵy Kadet kor­pýsynyń oqýshylaryna qoshemet kórsetti. Sýretti túsirgen Ermurat Dosymov. ***************   QOSTANAI Názıra JÁRIMBETOVA, «Egemen Qazaqstan».    7 mamyr kúni sherýge shyqqan qosta­naı­­lyqtar ortalyq alańdaǵy ilingen LED-ekran­nan Astanadaǵy áskerı paradty tama­shalady. Keshke qaraı Sıtı-ortalyq­ta Qostanaı qalasyndaǵy áskerı-patrıot­tyq klýbtar kórsetilimder usyndy. Oǵan «Albatros», «Taıfýn», «Ásker», «Qaısar», «Ishki ister mınıstrligi zań akademııasy», áskerı-patrıottyq klýbtary qatysty. Olardyń barlyǵy da oblysta tanymal ujymdar. Ár klýb merekege jınalǵandarǵa óz baǵdarlamalaryn pash etti. «Albatros» áskerı-patrıottyq klýby bıyl qurylǵanyna on jyl tolýyn atap ótpek. Klýbta 65 kýrsant jattyǵady. Onyń tóraǵasy Sergeı Leshenko jastar tárbıesinde mol tájirıbe jınaǵan maman-ustaz. – Biz búgin túrli jattyǵýlardan úzindiler kórsetemiz. Otan qorǵaý kúni bizdiń klýbtardyń basty merekesi bolyp tabylady. Kún jańbyr, adamdar qolshatyr ustap, mereke qyzyǵyn kórýge qolaısyzdaý bolyp turǵan sekildi. Biraq bizdiń jigitter úshin aýa raıynyń qubylýy eshqashan kedergi jasamaıdy. Búgin de solaı. Ádette, baǵdarlamamyz aýa raıy qolaısyz bolǵanda qyzyqty bola túsedi. Bizdiń klýbtyń ereksheligi, oǵan bolashaǵyn áskerı qyzmetpen baılanystyrǵysy ke­letin jastar, oqýshylar óz erkimen qaty­sady. 3 jyl boıy olar parashıýtpen seki­rýge, sý astynda jumys isteýge jat­tyǵady, sporttyń jekpe-jek, boks sekildi túr­lerimen aınalysady, medısınalyq daıyn­dyq kýrsynan ótedi. Úsh jylda kýrsant­tar ásker qatarynda qyzmet etýge daıyn bolady. Ota­nymyzdy naǵyz osyndaı jigitter qorǵaıdy, – deıdi Sergeı Nıkolaevıch. Qostanaılyqtar klýb músheleri kórsetken túrli jattyǵýlardy qyzyqtady.Kýrsanttardyń shalt qımyldary árkimniń júreginde Otanǵa degen patrıottyq sezimdi oıatty. Munan keıin Qostanaı qalasyndaǵy túrli orkestrler sherýi bolýy tıis edi. Aýa raıynyń qolaısyzdyǵyna baılanysty úrmeli aspaptar, qazaq halyq aspaptary, orys halyq aspaptary, sımfonııalyq orkestrler sherý jasamaı, Sıtı-ortalyqtaǵy sahnada óner kórsetti. Mereke qyzyǵy tolastaǵan joq. *************** QYZYLORDA Erjan BAITILES, «Egemen Qazaqstan».   Qyzylorda qalasynda «Uly Jeńis – máńgi el jadynda» atty úlken is-shara ótti. Aty aıtyp turǵandaı, bul 7 mamyr – Otan qorǵaýshy kúni jáne 9 mamyr – Uly Jeńistiń 70 jyldyǵyna arnalǵan merekelik saltanat edi. «Bul dúnıede bizdiń jalǵyz Otanymyz bar. Ol – Táýelsiz Qazaqstan. Otanymyzdy qorǵaý qasıetti mindet, úlken mártebe», – degen edi Elbasy. Tarıhqa kóz júgitsek, el úshin janyn aıamaǵan, keýdesin oqqa tosqan batyrǵa kende emespiz. Keshegi qan maıdanda bizdiń atalarymyz eldi qorǵap, jerimizdi jaýdan saqtap qaldy. Jeńistiń 70 jyldyǵyna kýá bolyp otyrǵan qarttarymyz aman bolsyn. Al Otan qorǵaýshy beıbit kúnniń ulandary Táýelsizdikti tuǵyrlandyrýda qyzmet eteıik», – dedi saltanatty basqosýda oblys ákimi Qyrymbek Kósherbaev. Sondaı-aq, aımaq basshysy Uly Otan soǵysy ardagerlerine Elbasynyń atynan «Qurmet» ordeni men «Eren eńbegi úshin» me­dalin jáne Qurmet gramotasyn ta­bystady. 1418 kún, 34 saǵatqa sozylǵan qan maıdannyń qasiretin umytý múmkin emes. Erliktiń eren úlgisin kórsetken batyrlardy dáripteý jalǵasa beredi. О́kinishtisi, qart maıdangerlerdiń qatary kún ótken saıyn sırep barady. Soǵys dalasynan syr óńirine 35 myń jaýynger aman oralsa, búginde sonyń 89-nyń ǵana kózi tiri. Merekelik sharada Otan qorǵaýshylarǵa da qurmet kórsetildi. О́nerpazdar túrli qoıylymdar qoıyp, ánnen shashý shashty. Sonymen qatar, ortalyq alańda sarbazdardyń qoıan-qoltyq urys kórinisteri, sporttyq qoıylymdar kórsetildi. Munan soń oblys turǵyndary LED-ekran arqyly Astanadaǵy merekelik sherýdi tamashalady. *************** ORAL Temir QUSAIYN, «Egemen Qazaqstan».   Otan qorǵaýshy kúni qarsańynda Oral óńirinde Otandy qorǵaý taqyryby men áskerı patrıottyq tárbıe berý baǵytyndaǵy is-sharalar kesheni ótkizildi. Bul is oblystyń barlyq óńirlerin qamtydy. Munda Otan qorǵaǵan erlerdiń esimderin ardaqtaýǵa basa mán berildi. Birqatar aýdandarda qasıetti dataǵa arnalǵan teatrlandyrylǵan kórinister men dala qyzyqtary, at báıgesi márege jetti. Keshe oblys ortalyǵyndaǵy Abaı alańynda óńirdegi áskerı bólimsheler men quramalardyń sarbazdary sapqa turdy. Olardy Otan qorǵaýshy kúnimen Batys Qazaqstan oblysynyń ákimi Nurlan Noǵaev quttyqtap, birqatar áskerı qyzmetshilerge Elbasy men Qorǵanys mınıstrligi jáne óz atynan memlekettik marapattar, medaldar men alǵys hattar tapsyrdy. Abaı alańyna turǵyndar men Otan qorǵaýshy kúnine arnalǵan sharalarǵa qatysý úshin kelgen Qarýly kúshter ardagerleri kóp jınaldy. Halqymyz jańbyr jaýǵandy jaqsy yrymǵa balap, nur dep atamaı ma? Aldyńǵy kúni Aqjaıyq aspanynan nóserletip jaýǵan jańbyr keshegi Qazaqstan Qarýly Kúshteri kúni sap tyıylyp, mamyr aıynyń jupar ıisi sharaǵa qatysýshylardyń kókirekteri men jan saraılaryn odan ári asha túskendeı áser qaldyrdy. Aǵashtar men tal-terekter de japyraq jaıyp, jasyl túske endi. Qustardyń saıraǵan únderi de súıkimdi-aq. Kelesi kezekte oblysta áskerı quramalar men Qarýshy kúshter ardagerleri, Abaı alańyna jınalǵan qala turǵyndary men qonaqtar arnaıy ornatylǵan keń ekran arqyly el ordasy Astanada ótkizilgen áskerı sherýdi tikeleı efır arqyly tamashalady. Budan alǵan áserin áskerı qyzmet ardageri, otstavkadaǵy polkovnık Luqpan Muqanbedıev gazet tilshisine bylaısha jetkizdi. – Búgingi qazaqstandyq armııa sany jaǵynan da, sapalyq turǵydan da jan-jaqty jetilgenin kórsetti. Ásirese, otan­dyq Qarýly Kúshteri ókilderiniń kásibı sheberlikteri sala ardageriniń kózimen qaraǵanda erekshe súısindirdi. Teńizdiń dámi tamshysynan bilinedi degendeı Qarýly Kúshterimizdiń aıbyny, olardyń órshil rýhy Astanada ótkizilgen áskerı sherý kezinde aıqyn baıqaldy. *************** О́SKEMEN Dýman ANASh, «Egemen Qazaqstan».   О́skemende Ertistiń sol jaǵalaýyndaǵy etnosaıabaq kesheninde ótken shara Qazaq­­stan Qarýly Kúshteriniń qurylǵan kúni men Uly Jeńistiń 70 jyldyǵyna oraı uıym­dastyryldy. Aıta ketken abzal, atalǵan sharanyń shyǵysqazaqstandyq 109 Keńes Odaǵynyń Batyryna arnalǵan áskerı ­qo­ryq-murajaıda ótýi óńir turǵyn­dary men qonaqtary, qoǵamdyq uıymdar, jastar úshin taǵy­lymdylyǵy men el men jerge qyz­met etýdi nasıhattaýdyń tıimdi joly bolyp otyr. Qarýly kúshter ardager­le­rin quttyq­taýǵa olardyń áskerı qyzmetti birge atqarǵan qyzmettesteri men otbasy­lary da keldi. – Qazaqstan armııasynyń qurylýy men qalyptasý kezeńi eldegi ekonomıka­lyq toqyraý jyldaryna tap kelip, biraz qıyndyqtardy ótkerdi. Sondaı qıyn ke­zeńde basty maqsat ózimizdiń qýatty áske­rimizdi qurý edi. Bul mindetti oryndaý úshin Joǵarǵy Bas qolbasshy qoldan kel­gen kómektiń barlyǵyn jasady. Sonyń nátıjesinde, búginde elimizdiń aıbyndy armııasy qalyptasty, – dedi «Qarýly Kúshter ardagerleri» RQB oblystyq fılıalynyń tóraǵasy Tóken Bilálov. Osydan keıin Shyǵys óńirinde Qa­zaqstan Qarýly Kúshteriniń 44 ardageri eki márte Keńes Odaǵynyń Batyry Tal­ǵat Bıgeldınov pen elimizdiń tuńǵysh Qor­ǵanys mınıstri Saǵadat Nur­ma­ǵam­betov atyndaǵy mereıtoılyq medaldarmen marapattaldy. Saltanatty sharada ardagerler áskerı shatyrlardaǵy dala ashanasynan dám tatty. Sonymen birge, shyǵysqazaqstandyqtar arnaıy alańdarda Astanada ótken áskerı sherýdi tamashalady. *************** PAVLODAR Farıda BYQAI, «Egemen Qazaqstan».   Oblys ortalyǵynda Otan qorǵaýshy kúni merekesinde kúni soǵys jáne eńbek ardagerleri, búgingi kúnniń jas sarbazdary, qala turǵyndary Dańq áskerı saıabaǵynda soǵysta qaza bolǵandar eskertkishine gúl shoqtaryn qoıdy. Osydan bir kún buryn osy saıabaqta qala ákimdigi 7 soǵys ardagerine jańa páter kiltterin tabys etken bolatyn. Budan keıin jınalǵandar oblystyq mýzeıde ashylǵan «Erliktiń úlgisi» atty fotokórmemen tanysty. Osy jerde balalar úıiniń tárbıelenýshileriniń qatysýymen «Elin qorǵaý – erge sert» atty konsert ótti. Osydan keıin ardagerler ortalyq alańda ornalasqan úlken monıtor ekrannan Astanadaǵy áskerı sherýdiń tikeleı kórsetilimin tamashalady. – Biz ekran arqyly elimizdiń áskerı qýatynyń qanshalyqty myqty, tegeýrindi kúshke aınalǵanyn kórip tańǵaldyq. Bul áskerı sherý Qazaqstan armııasynyń kúsh-qýatyn pash etedi, – dedi «Zamandas» ardagerler uıymynyń basshysy Qabıbolla Shákárimov. Astanada ótken paradty kórgen Vıtalıı Han, Pavel Malsev sııaqty soǵys jáne eńbek ardagerleri de tańdanystaryn, eli­miz­diń áskerı kúshiniń senimdi qolda, myǵym ekendikterine qýanatyndaryn jetkiz­di. Tikeleı kórsetilimnen soń, soǵys jáne eńbek ardagerleri, qala turǵyndary ortalyq alańdaǵy merekelik konsertti tamashalady. Sol kúni tús kezinde «Dostyq úıinde» «Jeńimpazdar-Pobedıtelı» atty Jeńistiń 70 jyldyǵyna arnalǵan estelik-kitaptyń tusaýkeseri boldy. Keshke taman Júsipbek Aımaýytov atyndaǵy mýzykalyq drama teatrynda maıdan taqyrybyna arnalǵan «Kútpegen kezdesý» atty qoıylym ótti. *************** TALDYQORǴAN Nurbol ÁLDIBAEV, «Egemen Qazaqstan».   Otan qorǵaýshy kúnine oraı, Tal­dyqorǵanda merekelik sharalar tańerteń­gi­lik Dańq stelasynan bastaldy. Arda­ger­ler men turǵyndar Uly Otan soǵysy qurban­dary men áskerı qyzmet kezinde qaza tapqan jaýyngerlerdi eske alyp, eskertkishke gúl shoqtaryn qoıyp, bir mınýt únsiz turdy. Osy sátte sap túzegen Taldyqorǵan áskerı garnızonynyń sarbazdary qaıtpas qaısarlyq pen óshpes erliktiń ónegesi bolǵan aǵa býynnyń qurmetine bas ıip, qurmet kórsetti. Sharanyń saltanatty bóligi I.Jansúgirov atyndaǵy Mádenıet saraıynda jalǵasty. «Babalar erligin jalǵastyrǵan bú­gingi sarbazdar men ofıserlerge degen qurmet jyldan jylǵa artyp keledi. Otan qorǵaýshy kúnin memlekettik dárejede atap ótý – osynyń aıqyn dáleli», degen qala ákimi Ermek Alpysov birqatar áskerılerge Qurmet gramotasy men Alǵys hat tapsyrdy. Merekelik shara «Taldyqorǵan áýenderi» folklorly-etnografııalyq ansambliniń konserttik baǵdarlamasyna ulasyp, kúndizgi saǵat 11-de jıylǵan jurt ortalyq alańdaǵy úlken monıtor arqyly Astanadaǵy áskerı paradty tikeleı efırden tamashalady. *************** TARAZ Oralhan DÁÝIT, «Egemen Qazaqstan».   Otan qorǵaýshy kúni men Uly Jeńistiń 70 jyldyǵy qasıetti Áýıeata jerinde keń kólemde atalyp ótti. Bul merekede jambyldyq jurtshylyq salamatty ómir saltyn nasıhattap, jappaı sporttyq sharaǵa qatysty. Sonymen qatar, mártebeli merekege oraı saltanatty jıyn ótip, oblys ákimi Kárim Kókirekbaev jurtshylyqty aıtýly datamen quttyqtady. Aımaq basshysy bul kúnniń máni men mańyzyna keńinen toqtalyp, árbir er jigittiń óz Otanyn qor­­ǵaýy azamattyq paryzy ekenin aıtyp, Jeńis­­ti jaqyndatyp, búgingi urpaqqa beıbit kún syılaǵan ardagerlerge alǵysyn bildirdi. Al sport denniń saýlyǵy dep biletin veloshabandozdar tańerteńnen bastap Dos­tyq alańyna jınaldy. Maqsat – sala­mat­ty ómir saltyn nasıhattap, buqa­ra­lyq sportty damytý. Igi bastamaǵa myń­nan asa adam qatysty. Jarysqa qatysý­shylar qashyqtyǵy 7 shaqyrymdyq jerdi jarty saǵatta júıtkip ótti. Velo­sıped erttep mingenderdiń qatarynda mem­leket­tik qyzmetkerler, stýdentter, belgili ­sportshylar men quqyq qor­ǵaý organdarynyń qyzmetkerleri bar. Tur­ǵyndardyń kózdegenderi – júlde emes, jurtqa jumyla úlgi kórsetý. Oblystyq dene shynyqtyrý jáne sport basqarmasynyń basshysy Gamlet Qaınarbekov: «Salamatty ómir saltyn nasıhattaýǵa arnalǵan mundaı sharalar kópshiliktiń sportpen aınalysýy­na yqpal eteri anyq. Búgingi meıram munymen aıaqtalmaıdy. Alda merekelik sherý ótkizilip, odan ári patrıottyq ánder konserti jalǵasady», – dedi. *************** ShYMKENT Baqtııar TAIJAN, «Egemen Qazaqstan».   Shymkenttegi «Túrkistan» saltanat saraıynda Otan qorǵaýshy kúnine oraı uıymdastyrylǵan merekelik jıynǵa 2000-ǵa jýyq qala turǵyny men qonaǵy qatysty. Saltanatty sharada oblys ákimi Asqar Myrzahmetov sóz alyp, barsha óńir turǵyndary men áskerı qyzmetshilerdi merekemen quttyqtady. – Osydan 23 jyl buryn qurylǵan Qazaqstan Respýblıkasynyń Qarýly Kúshteri el azamattarynyń eńsesin tiktep, erkindigin keńeıtti. Ýaqyt talabyna saı áskerimiz jańaryp, onyń kúsh-qýaty jyl­dan jylǵa nyǵaıyp keledi. Bar ǵumyryn Otan qorǵaýǵa arnap, qyzmetin minsiz atqa­ryp kele jatqan jaýyngerlerge alǵysy­myz sheksiz. Ulttyq áskerimizdiń aıbyny artyp, Táýelsiz elimizdiń tuǵyry qashanda bıik bolǵaı! – degen oblys basshysy óńir­degi áskerılerdi minsiz qyzmeti úshin medaldarmen, gramotalarmen marapattady. Jıylǵan kópshilik Otan qorǵaýshy kúni men Uly Otan soǵysyndaǵy Jeńistiń 70 jyldyǵyna arnalǵan Astanadaǵy áske­rı paradty tikeleı efırden tamashalap, táýel­siz elimizdiń tynyshtyǵy men qaýip­sizdigin qamtamasyz etetin áskerı qury­lym­dardyń aıbynyna masattandy, kóńil­de­rine qýanysh ornady. Saltanatty shara konsert­tik baǵdarlamamen jalǵasyn taýyp, shym­kenttikterge merekelik kóńil-kúı syılady. Jıylǵan jurtshylyq el úshin qorǵan bolar aıbyndy áskerimiz ben ondaǵy sarbazdar­dyń Otanǵa degen ystyq yqylasyna, erik-jigerine kýá bolyp, táýbe dep tarqasty.