Kýtlerdiń aıtýynsha, «Tıanszın sammıti ShYU-nyń jıyrma bes jyldyq tarıhyndaǵy eń irisi boldy. Qytaı, Reseı, Úndistan, Pákistan, Iran jáne Qazaqstan kóshbasshylarynyń qatysýy uıymnyń halyqaralyq salmaǵyn arttyra tústi».
Shyn máninde, bul joly elimizdiń róli aıryqsha baıqaldy. 2024 jylǵy tóraǵalyǵy kezinde Astana usynǵan bastamalar – energetıkalyq strategııa, mádenı murany nasıhattaý, densaýlyq saqtaý salasynda yntymaqtastyq qurý – Tıanszınde naqty sheshimderge aınaldy. Ásirese, ShYU-nyń 2030 jylǵa deıingi energetıkalyq yntymaqtastyq strategııasynyń qabyldanýy Qazaqstannyń kópvektorly saıasatynyń tabysty nátıjesi bolyp otyr.
Sonymen birge Astana tek úlken derjavalardyń oıynshysy emes, óńirlik medıator retindegi rólin de aıqyn kórsetti. Jańa múshelerdiń ıntegrasııasyn úılestirý, uıym ishindegi konsensýsty saqtaý – orta memleket úshin úlken dıplomatııalyq qadam.
Kýtler bul týraly: «Qazaqstan endi tek qatysýshy emes, kún tártibin aıqyndaýshy elge aınaldy», dep atap ótti.
Osylaısha, Tıanszın deklarasııasynda Qazaqstannyń qoltańbasy aıqyn kórinedi. Eger alǵa qoıylǵan baǵyttar júzege assa, elimizdiń Eýrazııalyq kópjaqtylyqtaǵy orny burynǵydan da bekı túsetini sózsiz.