Foto: Ashyq derekkóz
Áleýmettik zertteý nátıjeleri azamattardyń Prezıdent ınstıtýtyna degen senimi myqty ekenin kórsetken. Qatysýshylardyń 82,4%-y Memleket basshysy Qasym-Jomart Toqaevqa qoldaý bildirgen.
Jas ereksheligi boıynsha eń joǵary senim deńgeıin 18–29 jas aralyǵyndaǵy respondentter kórsetti – 90,3%. Odan keıingi kórsetkishter: 30–45 jas aralyǵynda – 82,4%, 46–60 jasta – 78,6%, al 61 jastan asqandar arasynda – 77,8%.
Aýyl turǵyndarynyń senimi qala halqyna qaraǵanda sál joǵary – tıisinshe 84,9% jáne 80,9%. Zertteý tabys deńgeıi men jumyspen qamtylý kórsetkishterine qaramastan, azamattardyń senim deńgeıi birkelki ekenin aıqyndady.
Kásiptik sala boıynsha eń joǵary qoldaýdy quqyq qorǵaý organdarynyń qyzmetkerleri bildirgen – 96,9%. Sondaı-aq bilim berý salasynyń ókilderi (89,6%), memlekettik qyzmetshiler (87,1%), densaýlyq saqtaý mamandary (84,5%), aýyl sharýashylyǵy qyzmetkerleri (86,2%), ǵylym (85,7%) men mádenıet jáne óner salasynyń mamandary (85,9%) aıtarlyqtaı qoldaý kórsetken.
Saýalnama nátıjesi Memleket basshysyna degen senimniń turaqty ári joǵary deńgeıde ekenin dáleldedi. Bul óz kezeginde júrgizilip jatqan memlekettik saıasattyń qoǵam úshin tıimdiligin kórsetip otyr.
