Jańa jeńisterge umtyldyrady

Elbasy Qazaqstan Prezıdenti laýazymyna resmı kirisý saltanatynda sóılegen sózinde 26 sáý­irde ótken saılaý respýblıka tur­ǵyndarynyń el birligine beriktigi men kemel keleshekke senimdiligin pash etkenin aıryqsha atap kórsetti. Soltústikqazaqstandyq saılaýshylar da joǵary uıymshyldyqtyń úlgisin kórsetip, Elbasymyzben birge bolatyndaryn biraýyzdan málim etti. Men Svetlopolsk aýyl­dyq okrýginde ornalasqan №344 saılaý ýchaskesinde qoǵamdyq baıqaýshy mıssııasyn atqara júrip, jurtshylyqtyń saılaýǵa degen erekshe ynta-yqylasy men joǵary jaýapkershiliginiń kýási boldym. Tizimdegi saılaý­shy­lardyń 99 paıyzy óz tańdaý­laryn jasap, el tutastyǵy, urpa­ǵymyzdyń bolashaǵy, memle­kettiligimizdiń nyǵaıýy beıjaı qaldyrmaıtyndaryn aıǵaq­tady. Kez kelgen eldiń qýaty hal­qynyń birliginde ekenin Qazaq­stan halqy Assambleıasynyń HHII sezinde alǵa tartqan Memleket basshysynyń delegattar nazaryn bes halyqtyq reformaǵa aýdarýy tekten-tek emes. О́ıtkeni, búkilhalyqtyq mehanızmder men mega-jobalardy iske asyrý arqyly ǵana birtutas ulttyq máselelerdi sheshýge, tynyshtyq pen tatýlyqtyń qazaqstan­dyq modelin qalyptastyrýǵa qabilettimiz. Nursultan Ábishuly salmaqty da kóregen ıdeıalarymen ınaýgýrasııa kezinde de bólisip, Qazaqstandy eń qýatty elderdiń qataryna qosý jónindegi batyl ustanymyn taǵy bir qýat­tap berdi. Qazaqstandyqtarǵa tórtkúl dúnıede daǵdarystar men janjaldardyń jańa ushqyn­dary órship otyrǵanyn jetkize kelip, 5 syrtqy syn-qaterlerdiń qaýip tóndirip otyrǵanyn eskertti. Oǵan qarsy turarlyq, eńseretin, tyń belesterge umtyldyratyn bes aýqymdy mindetterdi usyndy. Osylaısha, «Qazaqstan-2030» alǵashqy uzaq merzimdi Stra­te­gııasyn qabyldap, ornyqty damý jolyna nyq túsken elimizdiń ekonomıkalyq ósimin báseńdetpeý, azamattardyń ómir súrý deńgeıin kóterý qaǵıdattaryn múltiksiz júzege asyrý úshin Elbasy Jarlyǵymen Prezıdent janynan Jańǵyrtý jónindegi ulttyq komıssııanyń qurylǵanyn, oǵan 5 reformany kezeń-kezeńmen asyrýdy basqarý, úılestirý sekildi mindetter júktelgenin estip, halyqtyq reformalardy qalt­qy­syz oryndaýdyń qozǵaýshy kúshi retinde qabyldadyq. Elbasy «memlekettik qury­lystyń odan arǵy 100 naqty qadamy» atty Ult Josparyn usy­namyn. Bul baǵdarlama – biz­diń jahandyq jáne ishki-syrtqy qaterlerge, sonymen bir mezgilde, jańa tarıhı jaǵdaılarda 30 damyǵan memlekettiń qataryna ený jónindegi josparymyz. Reformalardy júzege asyrý – alda turǵan 10-15 jylda birinshi kezektegi ulttyq mindet», deı otyryp, komıssııanyń alǵashqy otyrysynda jarııalaıtynyn aıtqan edi. Bul kúndi de taǵatsyzdana tosyp otyrmyz. Svetlana AVGÝSTINSKAIа, «Sovhoznaıa» orta mektebiniń dırektory. Soltústik Qazaqstan oblysy, Qyzyljar aýdany.