Zamanaýı mektep – órkenıet nyshany

2 qyrkúıek kúni О́skemen qala­syn­da №31, №40, №41 mektepter alǵash ret esigin aıqara ashty. Sony­men qatar Glýbokoe aýdany­nyń Beloýsovka aýylyndaǵy №2 orta mektebi men «Opytnoe pole» mektebi, Zaısan qalasyndaǵy «Saýyr» orta mektebi oqýshylardy qabyl­­daı bastady.

Atalǵan jobalar Bilim berý ınfra­qurylymyn  damytý qory­nyń qoldaýymen júzege asyryldy. Odan bólek, Rıdder qalasynda 600 oryn­dyq №12 mekteptiń lentasy sal­tanatty túrde qıyldy. Ashylý rá­simine oblys ákimi Nurymbet Saq­taǵanov qatysty. О́ńir basshysy sy­­nyptardy aralap, ustazdar men oqý­­shylardy Bilim kúnimen quttyq­ta­dy.

– Memleket basshysy Qasym-Jomart Toqaev bilim salasyna nazar aýdaryp otyr. El erteńi úshin aýqymdy jobalar júzege asyp jatyr. Búgingi urpaqtyń bilimdi azamat bolyp qalyptasýy úshin barlyq jaǵdaı jasalýda, – dedi oblys ákimi Nurymbet Saqtaǵanov.

Qazir Rıdderde «Kazsınk» kom­panııasynyń qarjy­lan­dy­rýy­men taǵy 600 oryndyq mekteptiń qurylysy júrip jatyr. Nysan kelesi jyly paıdalanýǵa berilmek. Budan bólek, quny 8,3 mlrd teńgeni quraıtyn 200 oryndyq jyl boıy jumys isteıtin balalarǵa arnalǵan demalys ortalyǵynyń jobasy ázirlenýde. Rıdderde qosymsha 6 bilim nysanyna jóndeý júrgizilip jatyr. Bıyl robo­ttehnıka, bıologııa jáne fızıka baǵytyndaǵy 3 jańa kabınet satyp alynady.

– Bilim kúni qarsańynda oblysy­myz­dyń jer-jerinde jańa mektepter ashyldy. Erteńgi bolashaq úshin eń áýeli osy bilim salasyn jolǵa qoıýymyz kerek. Ol baǵytta aıtýly jumys júrgizilip jatyr. Qýanyshtymyz, – deıdi №41 mekteptiń ata-anasy Aınur Ádilbekqyzy.

Aıta keterligi, jańa oqý jyly qarsańynda oblystaǵy 319 mektep ashanasy tolyqtaı jóndelip, bar­lyq qala men aýdandarda oqý­shy­­­lardyń tamaqtaný sapasyn baqy­laý toptary jumysyn bastady.

Bilim salasyndaǵy aýyz toltyryp aıtar jańalyqtyń taǵy biri, Ulan aýdanyndaǵy Bozanbaı orta mektebin erekshe atap ótýge bolady. Ol elimizdegi úzdik 100 mek­teptiń qataryna endi. Mektepte kúrdeli jóndeý júrgizilip, ma­terıal­dyq-tehnıkalyq baza jańar­tyldy. Jańa oqý kabınetteri, kitap­­hana, telestýdııa, STEM-zert­hana jáne zamanaýı sport zaly ashyldy.

«Keleshek mektepteri» ulttyq jobasy – balalardyń keń synyptarda sapaly bilim alýyna, zama­naýı sport zaldarynda shynyǵýyna, IT-kabınetter men zerthanalarda jańa tehnologııalardy meńgerýine múmkindik jasaıdy.

Shyǵys Qazaqstan oblysy