Is-sharany ashqan Májilis spıkeri, «Amanat» partııasynyń tóraǵasy Erlan Qoshanov ár Joldaý el damýynyń strategııalyq baǵytyn aıqyndaıtynyn jáne azamattardyń eń ózekti suraqtaryna júıeli jaýap beretinin atap ótti.
– Memleket basshysynyń Joldaýlary, Prezıdenttiń saılaýaldy baǵdarlamasy – mańyzdy qujattar. Al olardyń sapaly oryndalýy – qoǵamnyń bılikke degen seniminiń kepili. Adamdar naqty ózgeristerdi dál qazir kórgisi keledi. Sol sebepti bizdiń, ıaǵnı zań shyǵarýshylar men Úkimettiń ortaq mindeti – tapsyrmalardy sapaly ári der kezinde oryndaý. Sondyqtan ár saıası maýsym basynda Úkimetpen «saǵat sáıkestendirý» tájirıbesin engizýimiz kezdeısoq emes. Búginge deıin atqarylǵan jumysty baǵamdap, qaı máselege basa nazar aýdarý kerek ekenin aıqyndaımyz, – dedi E.Qoshanov.
О́z kezeginde Premer-mınıstr Oljas Bektenov Prezıdent Joldaýlary men saılaýaldy baǵdarlamasyn júzege asyrý boıynsha Úkimet tarapynan atqarylǵan jumysqa toqtaldy. Máselen, byltyr sheteldik kapıtaldyń qatysýymen 1,3 mlrd dollar somasyna 45 joba paıdalanýǵa berildi. Jalpy alǵanda, jalpyulttyq pýlǵa quny 144 mlrd dollardy quraıtyn 1,1 myńnan asa joba kiredi. Jyl basynan beri ónerkásip óndirisiniń ósimi byltyrǵy kórsetkishten 6,9%-ǵa asyp tústi. Bıyl 20 myńnan asa jumys ornyn asha otyryp, 1,5 trln teńge somasyna 190 jańa óńdeýshi ónerkásip kásipornyn iske qosý josparlanyp otyr.
Úkimet basshysy «Keleshek mektepteri» ulttyq jobasyna jeke toqtaldy. Onyń aıasynda 310 myń oryndyq 160 mektep salyndy. «Aýylda densaýlyq saqtaýdy jańǵyrtý» ulttyq jobasy sheńberinde óńirlerde 540 medısınalyq nysan paıdalanýǵa berildi. Olar shamamen 1 mln aýyl turǵynyn qamtıdy. Bul – halyqtyń áleýmettik ál-aýqatyn arttyrý jónindegi Prezıdent saıasatynyń aıqyn kórsetkishteri.
«Tarıfti ınvestısııaǵa aıyrbastaý» baǵdarlamasy aıasynda 2 jylda 12 myń shaqyrymnan asa ınjenerlik jelini jóndeýge 600 mlrd teńgeden asa qarajat tartylyp, nátıjesinde atalǵan jelilerdiń tozýyn 6,2%-ǵa tómendetýge múmkindik berdi. Bıyl kólik salasynda 13 myń shaqyrym jol jóndeý jáne salý jumysy qolǵa alyndy. Al temirjol salasynda «Dostyq-Moıynty» ýchaskesiniń ekinshi joldaryn salý jumysy aıaqtalyp keledi. Sıfrlandyrý salasynda IT-qyzmetter eksportynyń ósimi baıqaldy. Iаǵnı kórsetkish 2021 jyly 30 mln dollardan 2024 jyly 700 mln dollarǵa deıin artty.
Úkimet Áleýmettik-ekonomıkalyq damý boljamyn jáne aldaǵy úsh jyldyq kezeńge arnalǵan respýblıkalyq bıýdjet jobasyn maquldap, Parlamentke engizdi. Oǵan sáıkes, aldaǵy úsh jylda ekonomıkanyń naqty ortasha jyldyq ósimi 5,3%-dy quraıdy.
O.Bektenov Úkimet Prezıdent bastamasymen qolǵa alynǵan «Taza Qazaqstan» jobasy men «Zań jáne tártip» qaǵıdatyn júzege asyrý boıynsha belsendi jumys istep jatqanyn aıtty.
– Memleket basshysy ustanǵan baǵyt arqyly el ekonomıkasy turaqty ósimge qol jetkizdi. Biz úshin basym baǵyt sanalatyn óńdeý ónerkásibinde oń úrdis saqtaldy. Taý-ken ónerkásibindegi sırek jáne jerde sırek kezdesetin metaldardy ıgerý oryndarynan ósimniń tyń múmkindikterin kórip otyrmyz. Parlamentpen tyǵyz jumys istep, alǵa qoıylǵan barlyq mindetti oryndaýdy jalǵastyramyz. Bizdiń ortaq maqsatymyz – aldaǵy ýaqyttaǵy turaqty damýdy qamtamasyz etý, – dedi ol.
Jıyn barysynda Premer-mınıstr men Úkimet músheleri fraksııa depýtattarynyń suraqtaryna jaýap berdi. Bul suraqtar ekonomıkany damytýdy, bıznesti, aýyl sharýashylyǵyn, óndiristi qoldaýdy, azamattardyń tabysyn arttyrýdy, áleýmettik saıasatty jaqsartýdy, óńirlerdiń ınfraqurylymdyq damýynyń naqty máselelerin sheshýdi jáne ózge de taqyryptardy qamtydy.
Jıyndy qorytyndylaı kele, Májilis tóraǵasy E.Qoshanov Memleket basshysynyń Joldaýlarynda jáne saılaýaldy baǵdarlamasynda qamtylǵan barlyq tapsyrma eldiń turaqty damýy men halyqtyń turmysyn jaqsartýdy qamtamasyz ete otyryp, júıeli túrde júzege asyrylyp jatqanyn atap ótti. Kúrdeli geosaıası jaǵdaıǵa qaramastan, Úkimet pen ákimder ekonomıka ósimin qamtamasyz etti, memlekettiń áleýmettik mindettemeleri oryndalýda, ınfraqurylymdyq jobalar keshendi túrde qolǵa alynyp jatyr.
Sonymen qatar Májilis spıkeri Úkimet nazaryn aýdarýdy talap etetin birqatar baǵytty aıqyndap berdi. Máselen, aýyl turǵyndarynyń tabysyn arttyrýǵa baǵyttalǵan «Aýyl amanaty» partııalyq jobasyn turaqty qarjylandyrý jáne eginshilikke, qus sharýashylyǵyna, mal sharýashylyǵyna úıretetin «Agrosaýat» ortalyqtarynyń ashylýyn jedeldetý qajet. Ol Memleket basshysy byltyrǵy Joldaýynda bul jobaǵa qoldaý bildirip, ony el aýmaǵynda taratýdy tapsyrǵanyn eske saldy. Alaıda osy másele áli de keıinge qaldyrylyp keledi.
Sondaı-aq partııa tóraǵasy jumyssyzdyq deńgeıin tómendetý jáne turǵyn úı-kommýnaldyq sharýashylyq reformasyn aıaqtaý jumysyn kúsheıtý qajet ekenine nazar aýdardy. Sonymen qatar ol Aqmola oblysy Selınograd aýdanynda óz nátıjesin kórsetken «Baquatty audan» aýyldyq aýmaqtardy keshendi damytý jónindegi partııalyq qanatqaqty joba aıasyn keńeıtýdi usyndy.
E.Qoshanov mundaı kezdesýler naqty nátıje beretinin atap ótti. Sebebi depýtattar óńirlerge únemi barady, adamdardyń ózekti máselelerin jaqsy biledi jáne olardy Úkimetke tikeleı jetkize alady. Bul – «Kúshti Prezıdent – yqpaldy Parlament – esep beretin Úkimet» qaǵıdatynyń naqty iske asqanynyń úlgisi. Jazǵy saparlarda halyq qalaýlylary 900 eldi mekenge baryp, 2 myńǵa jýyq azamatpen kezdesý ótkizdi. Turǵyndar tarapynan kelip túsken barlyq usynys qazir júıelenip jatyr. Memlekettik organdarmen birlesip, olardyń sheshimin tabý joldary qarastyrylady.
– Úkimet pen Parlamenttiń ózara úılesimdi jumys atqarýy – tıimdi memlekettik saıasattyń negizi. О́ıtkeni bárimizdiń maqsatymyz bir. Ol – elimizdiń órkendeýi, halyqtyń turmys sapasynyń jaqsarýy. Bul úshin Prezıdenttiń saılaýaldy baǵdarlamasy men Joldaýlaryndaǵy tapsyrmalary der kezinde oryndalýǵa tıis. Ortaq murat jolynda jumyla áreket etkende ǵana biz naqty nátıjelerge qol jetkizetinimiz anyq, dedi partııa tóraǵasy.
