Foto: aa.com.tr
QR UIаO GZI Derekter ortalyǵynyń jedel málimetine sáıkes, zilzalanyń epısentri 34,67° soltústik endik pen 70,77° shyǵys boılyqta ornalasqan. Magnıtýdasy 5,2, energetıkalyq klasy K=13,0, tereńdigi 142 km boldy.
Buǵan deıin, 4 qyrkúıek kúni saǵat 21:56-da (Astana ýaqyty) dál osy óńirde taǵy da jer silkinisi bolǵan edi. Onyń magnıtýdasy 5,7, energetıkalyq klasy K=13,8, tereńdigi 92 km dep kórsetilgen.
Aıta keteıik, 1 qyrkúıekke qaraǵan túni Aýǵanstanda magnıtýdasy 6,0 jer silkinisi tirkelgen bolatyn. Bul apat eldegi sońǵy jyldardaǵy eń joıqyn zilzalalardyń biri bolyp, myńdaǵan adamǵa qaıǵy ákelgen.
Odan keıin 2 qyrkúıekte magnıtýdasy 5,5 jer silkinisi qutqarý jumystaryn qıyndatyp, taýlardan tas qulap, shalǵaıdaǵy aýyldarǵa aparatyn joldardy jaýyp qalǵan edi.
Resmı málimet boıynsha, apattan qaza tapqandardyń sany 2200 adamnan asqan.
