Qazaqstan Respýblıkasynyń О́nerkásip jáne qurylys mınıstri aýyz sýdyń bir tekshe metriniń qunyn esepteý ádistemesin bekitti. Bul ádisteme sýbsıdııalanatyn sý júıelerinen beriletin sýdyń baǵasyn anyqtaýǵa qoldanylady. Atalǵan buıryq 13 qyrkúıekten bastap kúshine enedi.
Endi aýyz sýdyń quny biryńǵaı ádisteme boıynsha aımaqtardaǵy jáne iri qalalardaǵy ortasha baǵalardy, sondaı-aq ár óńirdiń áleýmettik-ekonomıkalyq erekshelikterin eskere otyryp belgilenedi. Degenmen turǵyndar úshin tarıf el boıynsha jáne aımaq boıynsha ortasha kórsetkishten aspaýy tıis. Bul baǵanyń kúrt ósýine jol bermeıdi.
Budan bólek, turmystyq tutynýshylar úshin táýligine adam basyna 140 lıtr sý paıdalaný lımıti engiziledi. Norma shegindegi sý úshin aqy bazalyq tarıf boıynsha esepteledi, al odan artyq tutynǵan jaǵdaıda 1,3 koeffısıentimen qymbattatylyp tólenedi.
Sýdyń túpkilikti tarıfin jergilikti máslıhattar sý jetkizýshi uıymdardyń esep-qısaby negizinde bekitetin bolady.
