Belgili arheolog A.Podýshkın jetekshilik etken ǵylymı ekspedısııalyq qazba jumystary nátıjesinde qola dáýirine jatatyn tórt qorym anyqtalǵan. Bul izdenis myńdaǵan jyl buryn Túrkistan óńirin mekendegen adamdardyń ómiri men mádenıeti týraly jańa málimet beredi. Eń biregeı olja – b.z.b. XV-XVI ǵasyrlarǵa jatatyn áıel qabiri. Ǵalymdardyń aıtýynsha, bul jerleý andronov mádenıetine tıesili jáne sol dáýirdegi áıelderdiń turmysy men dástúrlerin beıneleıdi. Munda arheologter baskıimniń bólshekteri men áshekeılerin altyn jalatylǵan qola samaı saqınalary, bilezikter, monshaqtar men usaq bıserler, erekshe pishindi syrǵalar tapty. «Ońtústik Qazaqstan aımaǵy úshin bul biregeı tabys. Bul qola dáýirindegi halyq qola óńdeýdi, qola quıýdy meńgergenin, zergerlik ónerdiń negizderin bilgenin dáleldeıdi. Munyń bári bizdiń ejelgi ata-babalarymyzdyń osy jerde joǵary deńgeıde ómir súrip, eńbek etkenin kórsetedi», deıdi О́zbekáli Jánibekov atyndaǵy Ońtústik Qazaqstan pedagogıkalyq ýnıversıtetiniń professory Aleksandr Podýshkın.
Sondaı-aq mamandardyń aıtýynsha, bul – Ortalyq Azııa tarıhy úshin tyń jańalyq. Sebebi mundaı jádigerler alǵash ret Orta Azııa boıynsha Ordabasy aýmaǵynan tabylyp otyr. Barlyq tabylǵan buıymdar ǵylymı turǵyda zerttelip, «Ordabasy» ulttyq tarıhı-mádenı qoryq-mýzeıiniń qoryna ótkiziledi. Arheologııalyq zertteý jumystaryna aýdan ákimdigi tarapynan qoldaý kórsetilip, aldaǵy ýaqytta da jalǵasyn tabady.
Túrkistan oblysy
