Eldiń batysy men ońtústiginde negizinen jaýyn-shashynsyz aýa raıy kútiledi. Respýblıkanyń kóptegen óńirinde jel kúsheıedi, ońtústikte shańdy daýyl, al batysta, soltústikte, shyǵysta, ortalyqta túngi jáne tańǵy ýaqyttarda tuman túsedi.
«Jetisý oblysynyń soltústigi men shyǵysynda, Almaty oblysynyń ońtústigi men shyǵysynda, Qaraǵandy oblysynyń soltústiginde, Aqmola oblysynyń batysy, ońtústigi men ortalyǵynda, Batys Qazaqstan oblysynyń ońtústigi men shyǵysynda, Atyraý oblysynyń batysynda, Aqtóbe oblysynyń batysy men ortalyǵynda, Qostanaı oblysynyń shyǵysynda, Ulytaý oblysynyń shyǵysynda órt qaýpi joǵary bolady», dep habarlady sınoptıkter.
Almaty, Túrkistan, Qyzylorda, Mańǵystaý, Atyraý, Jambyl oblystarynda, Jetisý oblysynda, Batys Qazaqstan oblysynyń batysynda, Qostanaı oblysynyń ońtústik-batysynda, Qaraǵandy oblysynyń ońtústiginde, Aqtóbe oblysynyń shyǵysynda, Ulytaý oblysynyń ońtústiginde tótenshe órt qaýpi kútiledi.
