Foto: Erlan Omar
№131 konvensııany ratıfıkasııalaý Qazaqstannyń eń tómengi jalaqyny aıqyndaıtyn qoldanystaǵy tásilderin halyqaralyq deńgeıde bekitedi. Sondaı-aq Qazaqstannyń Halyqaralyq eńbek uıymyna músheligi aıasynda halyqaralyq mindettemelerge adaldyǵyn rastaýǵa múmkindik beredi.
Qujatta mynadaı jalpy prınsıpter aıqyndalady:
- Eń tómengi jalaqy júıesin engizý;
- Áleýmettik áriptestik taraptarynyń eń tómengi jalaqyny belgileýge jáne qaıta qaraýǵa qatysýy;
- Eń tómengi jalaqyny anyqtaý kezinde ekonomıkalyq faktorlar men jumysshylardyń qajettilikterin esepke alý;
- Eńbekaqy salasyndaǵy kemsitýshilikke tyıym salý.
Esterińizge sala keteıik,
Qazaqstan 1993 jyldan beri Halyqaralyq eńbek uıymynyń tolyqqandy múshesi jáne osy ýaqyt aralyǵynda eńbek jaǵdaılary, eńbekti qorǵaý, áleýmettik qorǵaý men áleýmettik dıalogqa qatysty 28 konvensııany ratıfıkasııalady.
Al qazirgi tańda eń tómengi jalaqyny aıqyndaý jónindegi №131 konvensııany álemniń 54 eli maquldaǵan. Olardyń ishinde TMD memleketterinen Armenııa men Ázerbaıjan bar.
