Foto: Vıdeodan alynǵan kadr
Bas prokýratýranyń málimetinshe, kúdikti 2015–2016 jyldary Shyǵys Qazaqstan oblysynyń memlekettik organynda basshylyq qyzmet atqaryp, oıyn bıznesi salasyndaǵy zańsyz áreketterge júıeli túrde aqshalaı syıaqy alǵan.
«Qylmys jasaǵannan keıin ol jasyrynyp, 7 jyl boıy halyqaralyq izdeýde bolǵan. 2024 jyldyń qańtarynda izdeýdegi azamat Túrkııa Respýblıkasynyń Izmır qalasynda ustalyp, Qazaqstan Respýblıkasy Bas prokýratýrasynyń suraýy boıynsha qylmystyq jaýaptylyqqa tartý úshin elge ekstradısııalandy. Qazirgi ýaqytta ol tergeý ızolıatoryna qamaldy», delingen habarlamada.
Qylmystyq toptyń basqa músheleri buǵan deıin ártúrli merzimge bas bostandyǵynan aıyrylǵan. Aıyptalǵan is-áreketterge múlikti tárkileý jáne 12–20 jylǵa deıin bas bostandyǵynan aıyrý jazasy qarastyrylǵan.
