Muqabada beınelenetin mura

Ortalyq Azııanyń jas sýret­shilerine ar­nalǵan «Bolashaqty beı­neleý» atty baıqaýda synǵa túsken sýretshilerden – bolmys, transformasııa, áıel qudi­reti, ujymdyq birlik qýaty men bolashaqqa degen jekelegen jaýap­­kershilik taqyryptaryn kekindeme, grafıka, sıfrlyq óner, foto, toqyma men ıns­tallıasııalar arqyly jetkizý talap etildi.

Osy oraıda, «BeWoman Asia» forýmynyń bas prodıýseri Álıhan Musataev: «О́ner qashan da adamdardy biriktiretin ortaq til bolyp qala beredi. Jańa esim­derge jol ashyp, olardyń kó­ri­nýine septesý – búkil komanda úshin úlken mártebe. Forým­nyń qam­qorshylyq keńesin basqa­ra­­tyn Mádenıet jáne aqparat mı­nıstri Aıda Balaevaǵa osy ­ıdeıasy ­úshin, sondaı-aq kásibılik tanyt­qan jobanyń sarapshylar quramy men stıpendııa bólgeni úshin «Easy Art» bastamasyna alǵys aıtamyz!», dedi.

Baıqaýǵa eki aı ishinde Ortalyq Azııanyń bes elinen 445 jumys kelip tússe, aqtyq synǵa ilikken sýretshilerdiń týyndylaryn táýelsiz art-keńesshi Vladıslav Slýdskıı, ónertanýshy ári «Art Society» spıkeri Olga Batýrına, Túrikmenstan Sýretshiler odaǵynyń tóraǵasy Charymýrat Iаzmýradov, «Almaty Gallery» dırektory Nargız Alıb, Dýbaıdaǵy «Andakulova Gallery»-diń ıesi ári ónertanýshy Natalıa Andakýlova, óner tarıhshysy Ekaterına Reznıkova, art-menedjer Alek­sandra Fılatova, kórme kýratory Olıa Veselova syndy aımaqtyq jáne sheteldik sarapshylardan quralǵan halyqaralyq qazylar alqasy saralady.

Sonymen bes jeńimpazǵa alty aı boıy 300 000 teńge stıpendııa. Kórermender kózaıymy júldesine – 1 000 dollar kóleminde syıaqy, Gran-prı ıegerine halyqaralyq art-rezıdensııasyna qatysý quqyǵy berildi.

Sarapshylar stıpendııaǵa Qa­zaq­stannan – Aıda Ádilbek, О́zbekstannan – Sardor Erkınov, Túrikmenstannan – Toıly Chopa­nov, Qyrǵyzstannan Aıdana Týrýmbekova laıyqty dep tap­qan. Al arnaıy stıpendııany túrikmenstandyq Mahym Atakova aldy. Bas júlde men halyqara­lyq art-rezıdensııaǵa qatysý baqyty otandasymyz Intızor Otanıezovaǵa buıyryp otyr.

Eń bastysy, baıqaý jumysta­rynyń biri halyqaralyq áıelder jýrnaly «Marie Claire»-diń muqaba­syna shaǵatyn boldy.

«Muqabaǵa tańdalǵan týyndy Ortalyq Azııa áıelderiniń ta­rıhtan bastaý alǵan tereń dás­­túr­leri men keleshekke degen qul­shynysty kózqarasyn beı­­ne­­leıdi», deıdi «Marie Claire Kazakhstan» jýrnalynyń bas redakto­ry Natalıa Starostına.

Júldeli týyndylardy 20 qyr­kúıekten bastap Nargız Alıb je­tekshilik etetin «Almaty Gallery»-den tamashalaýǵa bolady.

ALMATY