Balalarǵa arnalǵan saýatty kontent jasaý, tartymdy shyǵarmalar jazý elimizde ǵana emes, álemdik deńgeıde ózekti bolyp otyr. Uıymdastyrýshylardyń aıtýynsha, bul is-sharaǵa Oxford University Press (Ulybrıtanııa) halyqaralyq bıznesti damytý jónindegi aǵa menedjeri Djýzeppe Trapanı, sondaı-aq Pickatale (Norvegııa) bilim berý kontenti jáne baspa strategııasy jónindegi dırektory Emılı Gılle-Marrett sııaqty bilikti mamandardyń qatysýy balalarǵa arnalǵan kitaptar men bilim berý tehnologııalary salasyndaǵy birlesken jobalarǵa jol ashyp, túıtkildi máselelerdi sheshýge yqpal etpek.
Balalar jazýshylary, baspagerler men halyqaralyq sarapshylardyń basy birikken jıynda balalar ádebıeti ındýstrııasynda 20 jyldan astam tájirıbesi bar Oxford University Press Bıznes damytý jónindegi aǵa menedjeri Djýzeppe Trapanı, Bilim berý baǵdarlamalary jónindegi dırektor, Norvegııadan kelgen Emılı Gılle-Marrett balalar suranysyna jaýap beretin, olardyń qııalyn shyńdap, oıyn óristetetin ádebıet shyǵarý isindegi tájirıbesimen bólisti.
Kásibı sarapshy mamandar atap ótkendeı, balalarǵa arnalǵan ádebıet shyǵarý kitap basyp shyǵarý úrdisimen ǵana baılanysty emes. Ol balalardyń jas erekshelikterin zertteý, qajettilikterine taldaý jasaý, tipten minez-qulyq erekshelikterin tanýǵa zer salatyn áleýmettik, psıhologııalyq ári talǵamdyq faktorlarmen tyǵyz baılanysty. Munymen qosa jas oqyrmandardy kitap oqýǵa qyzyqtyrýda mátinge, túrli-tústi bezendirilýine de zer salý asa qajet.
Búginde Oxford University Press (OUP) álem boıynsha balalar kitaptary men bilim berý mazmunyn baspa jáne sıfrlyq formatta nasıhattap otyrǵan aldyńǵy qatardaǵy baspa. Baspanyń kóptegen marapattarǵa ıe bolǵan ıllıýstrasııalyq kitaptary, oqyrmandarǵa arnalǵan serııalary jáne Oksfordtyń bilim berý jobalary álemniń 60-tan astam tiline aýdarylǵan. Kitaptar aýdıo men fılmder formatyna beıimdelgendikten, balalardyń tyńdaýyna, kórýine qolaıly ári tartymdy keledi.
Jıynda sarapshylar sandyq bilim berý ónimderin ázirleý, qyzyqty oqıǵalardy ozyq tehnologııalarmen, baǵalaý quraldarymen jáne pedagogıkamen biriktirýdiń zamanaýı ádisteri jáne EdTech naryqtyń múmkindigi týraly da aıtyp berdi.
Sharanyń uıymdastyrýshysy «Nomad Culture Foundation» qorynyń dırektory Baıan Qabylashtyń aıtýynsha, balalar ádebıetin shyǵarý, nasıhattaý isi elimizde kenjelep keledi.
«Balalar shyǵarmalaryn jazatyn jazýshylar óte az. Bul sharada álemdik tájirıbeni tyńdaı otyryp, sheteldik sarapshylarmen oı bólisý mańyzdy. Búginde bala tárbıesinde balaǵa kitap oqytýdyń óte mańyzdy ekenin eskerer bolsaq, dúnıe júziniń kóptegen elderinde tájirıbesimen bólisip júrgen sheteldik baspagerler bul joly Almaty, Astana qalasynda balalar baspa naryǵyna qajet aqparattarmen bólisti. Bul alańda elimizdiń baspagerleri, jazýshylary da kelip, tolǵandyrǵan suraqtaryn qoıyp, pikirimen bólisip jatyr. Bul aldaǵy ýaqytta balalarǵa arnalǵan qyzyqty ádebıetter naryǵynyń damýyna jol ashatyny anyq» deıdi B.Qabylash.
Kezdesýdi Steppe & World baspa úıiniń dırektory Raısa Qadyr júrgizdi. Aınalasy az ǵana ýaqytta balalar úshin qazaq tilinde 100-den astam kitap shyǵaryp úlgergen baspa úıiniń basshysy «Kitap oqý arqyly balalardyń sózdik qory qalyptasyp, synı oılaý qabileti jaqsarady. Sondyqtan balalardyń óz ana tilindegi ádebıetterge, oqýlyqtarǵa sýsyndap ósýine qolaıly jaǵdaı jasaý ári árbir basylymdy óte qyzyqty, saýatty etip shyǵarýǵa baspagerler basty nazar aýdarýy qajet degen» pikirin bildirdi. Búginde «Aqyn qoıan» men «Grýfallo», Hárrı Potterdi qazaqshalaǵan baspa úıi álemdik ádebıettiń jarqyn úlgilerin qazaq tiline aýdaryp, balalarǵa tartý etip keledi. Osy úrdisti jalǵastyrýdy maqsat etip otyrǵan baspager ókinishke oraı elimizde mektep oqýlyqtarynyń, keıbir kitaptardyń saýatty shyǵarylmaıtyndyǵyna qynjylysyn bildirdi.
О́z tájirıbesimen bólisken Ásel Sapaqova baspa isine kelýdegi birden-bir sebebin óz balalaryna qazaq tilinde kitap shyǵaryp bastaǵanymen baılanystyrdy. Osy oraıda qazaq tilindegi balalardy damytý kitaptarynyń avtory balalarǵa arnalǵan saýatty ári kásibı ádebı ortany damytýǵa áli de kúsh salý qajettigin alǵa tartty.
Alqaly jıynǵa Almaty, Astana, elimizdiń basqa da óńirlerimen qatar Ortalyq Azııadan baspagerler, avtorlar, ıllıýstratorlar men pedagogter qatysyp, balalarǵa unaıtyn, olardy bilimge, izgilik pen izdeniske úndeıtin shyǵarmalar, oqýlyqtar shyǵarýdyń álemde ortaq máselelerin talqylap, tájirıbe almasty.
