Osy jolǵy sezde Qazaqstannyń bastamasymen din men rýhanııat máselelerin talqylaýǵa jastardyń da tartylýy – asa quptarlyq qadam. Sebebi bul taqyryptar – qazirgi kúnniń ǵana emes, bolashaqtyń da taǵdyryna tikeleı áser etetin mańyzdy salalar. Qazaqstan rýhanı máselelerge ústirt qaramaýǵa shaqyryp qana qoımaı, osy baǵyttaǵy jahandyq syn-tegeýrinderge nazar aýdarýǵa múmkindik berip otyr. Bul eldiń joǵary deńgeıdegi jaýapkershiligin kórsetedi.
Sezd barysynda búkil álem elderine ortaq ózekti máseleler, sonyń ishinde Gazadaǵy kúrdeli gýmanıtarlyq jaǵdaı da keńinen kóterildi. Bul taqyrypty qozǵaǵan kóptegen usynys aıtylyp, ortaq sheshimderge umtylý baıqaldy. Bul – din kóshbasshylary úniniń álemdik beıbitshilik pen ádilet jolynda qanshalyqty mańyzdy ekenin kórsetti.
Búginde Qazaqstan etnosaralyq jáne dinaralyq ózara syılastyq saıasatyn sátti júrgizip otyrǵan memleket retinde barsha álemge úlgi bola alady. Memleket basshysy Qasym-Jomart Toqaevtyń sezdiń plenarlyq otyrysyna tikeleı qatysyp, óz bastamalaryn qazaq, orys jáne aǵylshyn tilderinde baıandaýy – Qazaqstannyń ashyqtyq pen dıalogke negizdelgen saıası jáne rýhanı tájirıbesiniń bir kórinisi.
Osy sezden tereń maǵlumat aldyq. Mundaı tájirıbe, ásirese qazirgi jahandyq syn-qaterler jaǵdaıynda asa qundy. Sondyqtan Qazaqstanǵa jáne onyń Prezıdentine halyqaralyq dinaralyq dıalogti damytýǵa qosqan zor úlesi úshin shynaıy rızashylyǵymdy bildiremin.
Abdýl-Vahıd NIIаZOV,
Eýropa musylmandary forýmynyń prezıdenti
