О́ıtkeni atalǵan óńirde beıbit turǵyndardyń ómirine tikeleı qaýip tónip otyr. Áıelder men balalardyń, qarttardyń ómiri qıylyp, beıkúná jandar jazyqsyz zardap shegip jatyr. Bul – adam quqyqtary men halyqaralyq quqyq normalaryna qaıshy keletin aýyr jaǵdaı. Mundaı sátte álemdik qaýymdastyqtyń únsiz qalýy – adamzattyń ortaq qundylyqtaryna nemquraıdylyq tanytqanmen para-par.
Sondyqtan da barlyq múddeli tarap Gazadaǵy áskerı áreketterdi toqtatý, beıbit turǵyndardy qorǵaý jáne gýmanıtarlyq kómekti kedergisiz jetkizý boıynsha naqty ári pármendi qadamdarǵa barýy qajet. Basyp alý men zorlyq-zombylyqty toqtatý – barsha álem aldynda turǵan ortaq mindet.
Palestına halqynyń ózin-ózi basqarý quqyǵy men qaýipsiz ómir súrýge degen talpynysy – halyqaralyq quqyq pen ádilettiń talaptaryna saı keledi. Bul máselege saıası turǵydan ǵana emes, eń aldymen adamzattyq kózqaraspen qaraý kerek.
Búgingi Álemdik jáne dástúrli dinder kóshbasshylary sezi sekildi aýqymdy jıyndardyń paıdasy tıedi dep sanaımyn. Osy oraıda halyqaralyq qaýymdastyqty ortaq jaýapkershilik pen ádilet qaǵıdattary aıasynda áreket etýge shaqyramyz. Bul baǵyttaǵy bastamalar óz nátıjesin berip, Gazada beıbitshilik pen turaqtylyq qaıta ornaıdy degen senimdemiz. О́ıtkeni adam ómirinen, adamgershilik pen ar-ujdannan artyq qundylyq joq.
Kadır DINCh,
Túrkııa Respýblıkasy Din isteri basqarmasy tóraǵasynyń orynbasary
