Jobaǵa jetekshilik etken Atyraý oblystyq tarıhı-ólketaný mýzeıiniń dırektory Muhambetqalı Kıpıevtiń aıtýynsha, fotoalbomda mýzeı qorynda jınaqtalǵan qujattar bar. Keıbir fotoqujattar Reseı Ǵylym akademııasy arhıviniń Sankt-Peterbýrgtegi fılıalynan, Reseı memlekettik kınofotoqujattar arhıviniń qorynan alynǵan.
Fotoalbom mazmuny «Eldi mekender», «Materıaldyq mádenıet», «О́ndiris», «Sharýashylyq pen kásipshilik» taqyryptaryna bólingen. Máselen, birinshi bólimde burynǵy Gýrev qalasynyń, Plotovınsk keme turaǵy, Kýlagın, Jılaıa kosa eldi mekenderdiń, Dúıseke meshiti men kóshpeli aýyldardyń revolıýsııaǵa deıingi sýretteri jınaqtalǵan.
«Fotoalbomda mýzeı qorynan XIX ǵasyrdyń sońy men XX ǵasyrdyń 40-jyldaryna deıingi sýretter qamtyldy. Onyń kópshiligi alǵash ret jarııalanyp otyr. Munyń bári – Atyraý oblysynyń tarıhy men mádenıetin aıshyqtaıtyn tarıhı jádiger», deıdi M.Kıpıev.
Atyraý oblysy
