Foto: world-nan.kz
2024-2025 marketıng jylynda 13,3 mln tonna astyq tasymaldanyp, kórsetkish 45%-ǵa ósken.
Onyń ishinde 10,3 mln tonna eksportqa jáne 3 mln tonna respýblıka boıynsha jetkizilgen. О́nimdi alqaptan ýaqtyly áketý elevatorlar men jańa egindi qabyldaý úshin qoımalardy bosatýǵa múmkindik berip otyr.
«Negizgi baǵyttarda oń dınamıka baıqalady. Bólek aıtqanda, Qytaı baǵytynda astyqtyń kólemi tómendegenmen, azyqtyq un 2 mıllıon tonnaǵa jetip, 4,6 esege ósti. Bul, óńdeýshilerdiń qosylǵan quny joǵary ónimdi shyǵarýdyń nátıjesinde múmkin boldy»,
dedi Nurlan Saýranbaev.
Nurlan Saýranbaev keltirgen derek boıynsha, qoldanystaǵy park astyq júkterin tasymaldaý úshin jetkilikti. Mysaly, astyq tasıtyn vagondar 16,3 myńǵa jáne un tasýǵa arnalǵan jabyq vagondar sany 16, 5 myńǵa jetti. Jáne ulttyq operatorda 1,7 myń lokomotıv bar.
Sonymen qatar mınıstr memleket aralyq pýnktiler astyqty joǵary deńgeıde tasymaldaýǵa daıyn ári pýnktterde poıyzdardy ótkizý múmkindigi jetkilikti ekenin atap ótti. О́zbekstan jáne Ortalyq Azııa baǵytynda ótkizý qabileti táýligine 42 poıyzdy, al Qytaı baǵytyna 43 poıyzdy, Reseı boıynsha 85 poıyzdy quraıdy.
