Memleket basshysy Qazaqstan Eýropa Odaǵyndaǵy mańyzdy seriktesteriniń biri sanalatyn Belgııamen uzaq merzimdi yntymaqtastyqty damytýǵa basa mán beretinin aıtty.
Qasym-Jomart Toqaev Belgııa Qazaqstannyń eń iri on ınvestorynyń qataryna kiretinine nazar aýdardy. Byltyr ekijaqty taýar aınalymy jarty mıllıard dollarǵa jýyqtady.
— Áńgimelesý barysynda ekonomıkalyq yntymaqtastyqty odan ári arttyrýǵa zor áleýet bar ekeni atap ótildi. Ásirese, asa mańyzdy mıneraldardy ıgerý, munaı hımııasy, aýyl sharýashylyǵy, ónerkásip, kólik-logıstıka, jasandy ıntellekt, qarjy, týrızm jáne bilim berý salalaryndaǵy seriktestikke múmkindik mol, — delingen habarlamada.
Bart de Vever ekijaqty kún tártibin talqylaýǵa ýaqyt tapqany úshin Qazaqstan Prezıdentine alǵys aıtyp, Korol Fılıpptiń izgi tilegin jetkizdi.
