Kásiporynda ozyq tájirıbe men joǵary tehnologııalar negizinde jumys isteıtin jyljymaly týnneldi pesh júıesi qoldanylady. Joba sońǵy úlgidegi ınnovasııalyq tehnologııamen jabdyqtalǵan. О́ndiris úderisi tolyǵymen avtomattandyrylǵan. Zaýyt ekologııalyq jaǵynan da tıimdi. Kirpish kúıdirý úshin gaz paıdalanylady. Bul atmosferaǵa bólinetin zııandy qaldyqtardyń mólsherin azaıtyp, qorshaǵan ortaǵa túsetin salmaqty jeńildetedi.
– Memleket basshysy «Jergilikti ónim óndirýshilerdiń áleýetin barynsha paıdalaný mańyzdy. Memleket otandyq ónim óndirýshilerdi qoldaıdy», dep atap ótken edi. Bul baǵytta Túrkistan oblysynda júıeli jumys atqarylyp jatyr. Búginde qysqa merzimde salynyp, iske qosylǵan zaýyttyń naqty ónimin kórip otyrmyz. Bul – jergilikti atqarýshy organnyń, ınvestorlardyń jáne barlyq múddeli taraptyń tıimdi is-qımylynyń nátıjesi. О́ndiris shaǵyn jáne orta bıznestiń damýyna, salyq túsimderi men jergilikti bıýdjettiń nyǵaıýyna úles qosady. Kásiporyn oblysymyzdaǵy qurylys salasynyń damýyna serpin beretin mańyzdy nysan bolatynyna senimdimin. Osy baǵyttaǵy jobalarǵa oblys ákimdigi tarapynan aldaǵy ýaqytta da jan-jaqty qoldaý kórsetiledi, – dedi oblys ákimi Nuralhan Kósherov.
Osy aýdandaǵy Qaraqum aýylynda sýarý júıelerine arnalǵan parabolalyq beton lotoktar shyǵaratyn óndiris te iske qosyldy. «Turan sý» memlekettik kommýnaldyq kásiporny bazasynda iske qosylǵan óndiris orny shyǵaratyn parabolalyq lotoktardyń kanaldarǵa ornatylýy sý shyǵynyn 40%-ǵa deıin azaıtýǵa múmkindik beredi. Jańa óndiris alańynda táýligine 45 dana parabolalyq beton lotok jasalady. Joba quny – 350 mln
teńge.
Zaýytta 20 turaqty jumys orny quryldy. Lotoktar LR6, LR8, LR10 markalarynda shyǵarylyp, bolashaqta ishki naryqpen qatar Eýropa elderi men Qytaıǵa eksporttalýy múmkin. Zaýyt beton aralastyrý qondyrǵysy, bý qazandyǵy, portaldy kran, armatýraly setka toqý jabdyqtarymen tolyq jabdyqtalǵan. О́ndiriletin qurylǵylardyń naryqtaǵy baǵadan 20-30%-ǵa arzan bolýy – jergilikti sharýalar men sý sharýashylyǵy qurylymdary úshin úlken jeńildik.
«Turan sý» – strategııalyq nysandardy basqaratyn mańyzdy kásiporyn. Kásiporyn teńgeriminde 20 sýqoımasy, 3 sý toraby, 1 400 shaqyrymdy qamtıtyn 110 kanal, 3 óndiristik-tehnıkalyq baza, 81 arnaıy tehnıka bar.
Oblys ákimdiginiń qoldaýymen sý sharýashylyǵyn jańǵyrtý baǵytynda 3,6 mlrd teńgege 60 arnaıy tehnıka satyp alyndy, onyń ishinde, 24 tehnıka aýdan, qala ákimdikterine berilip, 1 200 shaqyrym kanaldar men qashyrtqylar tazalandy. 650 mln teńgege «Sý únemdeý tehnologııasy óndiris jelisi» iske qosyldy. Ol jylyna 9 myń gektar egistikke qyzmet kórsetedi.
Túrkistan oblysy
