Bıyl WFC negizgi taqyryby - «Baǵaly qaǵazdardyń ortalyq depozıtarııleriniń evolıýsııasy: syn-qaterler, múmkindikter jáne treıdıngten keıingi ınfraqurylymnyń bolashaǵy». Almatyǵa 50-den astam eldiń 80-nen astam qarjy uıymynyń sarapshylary kelip, ózgermeli qarjy landshaftyndaǵy ortalyq depozıtarıılerdiń róline qatysty eń ózekti máselelerdi, retteýshilik ózgeristerdi, treıdıngten keıingi ınfraqurylymdaǵy jańa trendterdi, esep aıyrysý tıimdiligin arttyrýdy, AI, blokcheın jáne basqa da kóptegen taqyryptardy talqylaýǵa keldi. Forýmǵa qarjy naryqtarynyń ınfraqurylymy salasynda 250-den astam sarapshy jınaldy.
Sońǵy jyldary Qazaqstannyń Ortalyq depozıtarııi halyqaralyq seriktestermen qarym-qatynasyn belsendi túrde keńeıtýde: 2023 jyly The Bank of New York Mellon-men korrespondenttik qarym-qatynas ornatty, 2024 jyly Armenııa Ortalyq depozıtarııi júıesiniń resmı múshesi boldy. Bul naryqtar arasyndaǵy transshekaralyq qoljetimdilikti keńeıtýge múmkindik beredi.
Bıyl KCSD forýmynda Túrkııanyń Ortalyq depozıtarııimen ózara shottar ashý týraly kelisimge qol qoıyldy. Jyl sońyna deıin Tájikstan men Ázirbaıjannyń Ortalyq saýda ortalyǵyna qosý jumystary aıaqtalady. Sonymen qatar KCSD Taıaý Shyǵys elderimen kastodıaldyq arnalar qurady (First Abu Dhabi Bank arqyly). 2026 jyly KCSD Ońtústik-Shyǵys Azııanyń kompanııalarymen yntymaqtastyqty keńeıtýdi josparlap otyr.
«Bul áriptestik, birinshiden, ınfraqurylymdar arasyndaǵy ózara is-qımyldyń tikeleı arnalarynyń arqasynda esepteýler men korporatıvtik operasııalardy jeńildetedi. Ekinshiden, bir óńirden kelgen ınvestorlarǵa artyq deldaldarsyz quraldarǵa qol jetkizýge múmkindik bere otyryp, ótimdilikti ártaraptandyrady. Úshinshiden, turaqtylyqty qamtamasyz etedi, óıtkeni balamaly baǵyttar jergilikti irkilisterdiń nemese retteýshilik ózgeristerdiń áserin tómendetedi. Nátıjesinde ınvestor, emıtent jáne qadaǵalaý organy utady», - dep tolyqtyrdy ol.
Qazaqstan qor bırjasynyń basqarma tóraǵasy Ádil Muhamedjanov baǵaly qaǵazdardyń ortalyq depozıtarııleri qarjy naryǵy ınfraqurylymynyń dál ortasynda ornalasqanyn atap ótti. «Búkil álemde sizder qaýipsizdikti, ashyqtyq pen tıimdilikti qamtamasyz etesizder. Investorlardyń, emıtentterdiń jáne úkimetterdiń kapıtal naryqtaryna senimi sizdiń ornyqtylyǵyńyzǵa, ınnovasııalaryńyz ben kóshbasshylyǵyńyzǵa tikeleı baılanysty. Sondyqtan bul forým óte mańyzdy», - dep atap ótti KASE basshysy jáne Qazaqstanda WFC-2025 ótkizýdiń erekshe mańyzy bar ekenin aıtty.
«Eýropa men Azııa arasyndaǵy kópir bolyp tabylatyn bizdiń elimiz óziniń kapıtal naryǵyn jańǵyrtýda aıtarlyqtaı jetistikterge qol jetkizdi. Qazaqstan baǵaly qaǵazdarynyń ortalyq depozıtarııi Qazaqstan qor bırjasymen birlesip turaqty jáne halyqaralyq standarttarǵa sáıkes keletin treıdıngten keıingi ekojúıe qurdy. Sońǵy jyldary ınvestorlardyń qatysýy, turaqty tehnologııalyq jańarý jáne korporatıvtik basqarý júıesiniń nyǵaıýy baıqalady», dep tolyqtyrdy ol.
Joǵary belgisizdik, esep aıyrysý sıklderiniń qysqarýy, kıberqaýipsizdikke qoıylatyn neǵurlym qatań talaptar jáne sandyq ortadaǵy ınstıtýsıonaldyq rólderdi qaıta paıymdaý jaǵdaıynda ujymdyq qoldaý, bilim almasý jáne jedel úılestirý úshin praktıkalyq tuǵyrnamalar - QO qoǵamdastyqtary men óńirlik qaýymdastyqtar úlken ról atqarady.
Is-sharaǵa Clearstream (Lıýksembýrg), Nasdaq, Montran (AQSh), CMA Small Systems (Shvesııa), Romer Capital (Kıpr) jáne t.b. qoldaý kórsetti. Uıymdastyrýshy KCSD bolyp tabylady
