Eger bári jospar boıynsha júrse, «Orion» ǵarysh kemesi ekıpajymen birge Aıǵa 2026 jyldyń 5 aqpanynda ushady. Ushyrýdyń qosymsha kúni 26 sáýirge deıin dep belgilengen, biraq agenttik basshylyǵy mıssııany múmkindiginshe erterek bastaýǵa úmitti. Bul sapardyń basqa mıssııalardan aıyrmashylyǵy, «Orion» Aı orbıtasyna shyqpaıdy. Keme Aı betinen 9260 km qashyqtyqta erkin ushyp ótedi. Mundaı traektorııa táýekelderdi azaıtý maqsatynda tańdalǵan. О́ıtkeni «Artemis 2» mıssııasy synaqtyq sıpatqa ıe jáne barlyq júıelerdiń senimdiligin tekserýge arnalǵan.
