«Ulttyq jáne at sporty túrleri ortalyǵynyń» dırektory Qaırat Pazylbek oıyndardyń sátti uıymdastyrylǵanyn, saıystar aýyl sportshylarynyń jaqsy daıyndyq deńgeıin kórsetkenin, óńirlerde buqaralyq sportty damytýdyń mańyzdylyǵyn erekshe atap ótti. Qatysýshylar alaman báıge, top báıge, aýdaryspaq, jamby atý, kókpar, qusbegilik, teńge ilý, qazaq kúresi, jekpe-jek, toǵyzqumalaq, armrestlıng, ústel tennısi sııaqty sport túrlerinen joǵary nátıje kórsetti.
«Jarystar – kúsh pen sheberlikti synaıtyn doda ǵana emes, ulttyq dástúrlerdi saqtaý men óńiraralyq dostyqty nyǵaıtýdyń mańyzdy faktory. Mundaı aýqymdy is-sharalar týrızmniń damýyna, halyqtyń densaýlyǵyn nyǵaıtýǵa, sporttyq ınfraqurylymdy jaqsartýǵa serpin beredi», dedi Q.Pazylbek.
Jalpykomandalyq esepte Túrkistan oblysynyń komandasy birinshi oryndy, Almaty oblysy ekinshi oryndy jeńip aldy. Júldeli úshinshi oryndy Batys Qazaqstan oblysynyń komandasy ıelendi.
Kelesi oıyndar tórt jyldan keıin Soltústik Qazaqstan oblysynda ótedi.
Almaty oblysy
