Memleket basshysynyń aıtýynsha, sońǵy bes jylda bilim jáne ǵylym salasyna salynǵan ınvestısııa kólemi bes esege artqan. Bul ulttyq ǵylymdy damytýǵa tyń serpin berip otyr.
««Zertteý ýnıversıtetteri kóbeıýde, olardyń óndirispen baılanysy nyǵaıyp keledi. Qazirdiń ózinde 300-ge jýyq kommersııalyq joba júzege asyrylýda. «Ýnıversıtet – zertteý – ınnovasııa – kommersııa» keshendi júıesi qalyptasty. Álemniń 40 jetekshi joǵary oqý ornymen seriktestik ornatyldy, elimizde 33 fılıal jumys istep tur. Tehnologııa parkteri men ınjınırıng ortalyqtary qurylýda. Ulttyq Ǵylym akademııasynyń bedeli artyp, ár aımaqta Ǵylym jónindegi keńester iske kiristi», dedi Prezıdent.
Sonymen qatar Memleket basshysy ǵalymdardyń múddesin qorǵaý, kadrlyq áleýetti nyǵaıtý, jas ǵalymdarǵa qoldaý kórsetý – aldaǵy ýaqyttyń basty mindetteri ekenin erekshe atap ótti.
«Ǵylym jáne tehnologııalyq saıasat týraly» jańa zań qabyldanyp, ǵylymdy basqarýdyń quqyqtyq negizi jasaldy. Bul baǵyttaǵy jumys jalǵasýy tıis. Áıtpese, kúre joldyń shetinde qalyp qoıý qaýpi bar», dedi Qasym-Jomart Toqaev.
