Foto: Ashyq derekkóz
Mınıstr Úkimet maqsatty jáne granttyq baǵdarlamalar arqyly jasandy ıntellektini damytýǵa baǵyttalǵan ǵylymı zertteýlerdi júıeli túrde qoldap kele jatqanyn atap ótti.
Negizgi iske asyrýshylar qatarynda ál-Farabı atyndaǵy QazUÝ, L.N. Gýmılev atyndaǵy Eýrazııa ulttyq ýnıversıteti, Aqparattyq jáne esepteý tehnologııalary ınstıtýty, Astana IT ýnıversıteti jáne basqa da joǵary oqý oryndary men ǵylymı uıymdar bar
«26 jobany 40 jasqa deıingi jas ǵalymdar júzege asyryp jatyr. Bul jańa býyn zertteýshileriniń belsendiligin kórsetedi. Jobalar ǵylymnyń jeti basym baǵytyn qamtıdy. Sonyń ishinde jasandy ıntellekt zertteýleri negizinen ozyq óndiris, sıfrlyq tehnologııalar jáne ǵarysh salasyna baǵyttalǵan. Qazir 11 oblysta 27 joǵary oqý orny men 6 ǵylymı-zertteý ınstıtýty JI salasynda belsendi jumys istep otyr. Barlyǵy 479 ǵalym zertteýlerge qatysady. Jobalardyń eń kóbi Almaty men Astanada shoǵyrlanǵan», dedi Saıasat Nurbek.
Aımaqtyq ýnıversıtetter de osy salany damytýǵa qyzyǵýshylyq tanytqan, biraq olardyń qatysý deńgeıi áli de shekteýli.
