Jeńildetilgen deklarasııa negizindegi rejımdi saqtap qalatyn negizgi baǵyttar turǵyndarǵa baǵdarlanǵan qyzmet túrleri bolmaq. Atap aıtqanda, 2000 sharshy metrge deıingi bólshek saýda (dárihanalardy qosa alǵanda), ınternet arqyly taýar satý, tamaqtaný men qonaqúı qyzmetteri, jolaýshy tasymaly, turmystyq jáne qurylys jumystary, shyǵarmashylyq ındýstrııa, sport pen mádenıet, aýyl sharýashylyǵy salalaryna bul múmkindik beriledi.
Nátıjesinde jeńildetilgen rejım barlyq salyq tóleýshilerdiń shamamen 70%-yna qoljetimdi bolyp qalady. Al iri bıznes ókilderi jalpyǵa birdeı belgilengen rejımge kóshedi.
