Konferensııaǵa Qazaqstan, Túrkııa, О́zbekstan jáne basqa da elderdiń ǵalymdary, zertteýshileri, mádenıet jáne ǵylym salasynyń ókilderi keldi.
Úsh kúnge sozylǵan konferensııada Joshy ulysy men Altyn Orda dáýirindegi memlekettiliktiń tarıhı rólin zerdeleý, Uly dala órkenıetiniń mádenı murasyn keńinen nasıhattaý jáne halyqaralyq ǵylymı qaýymdastyq arasyndaǵy yntymaqtastyqty nyǵaıtýdy maqsat etip otyr.
Plenarlyq otyrysta Ulytaý oblysynyń ákimi Dastan Ryspekov, Halyqaralyq Túrki mádenıeti jáne murasy qorynyń prezıdenti Aqtoty Raıymqulova jáne QR Mádenıet jáne aqparat mınıstrliginiń ókilderi quttyqtaý sóz sóıledi.
Konferensııada ǵylymı baıandamalar tyńdaldy. Altyn Orda tarıhy, Joshy ulysynyń memlekettiligi, HIII–XIV ǵasyrlardaǵy túrki áleminiń mádenıeti, Ketbuqa bıdiń tarıhı murasy talqylandy.
«Turan» ansambli «Tamyr» konsertin qoıyp, mádenı jáne etnografııalyq baǵdarlamalar usynyldy.
Konferensııa qorytyndysynda rezolıýsııa qabyldanyp, ǵalymdar konferensııanyń mańyzdylyǵyn atap ótti.
Búgin qonaqtar Ulytaý aýdanynyń tarıhı jerlerin aralaıdy.
