Urys qımyldaryna jaqyndatylǵan jaǵdaıda áskerı qyzmetshiler qozǵalmaly nysanalarǵa, ártúrli qashyqtyqtardan jáne túrli pozısııalardan, sondaı-aq bólimsheler quramynda pozısııalardy jáne bastapqy shekaralardy aýystyra otyryp atys júrgizýdi pysyqtady. Taktıkalyq jattyǵýlar shekteýli kóriný jaǵdaıynda da oryndaldy.
Taktıkalyq atys standarttary barlaýshylardy keshendi daıarlaýdyń mańyzdy elementi bolyp tabylady. Barlaý tapsyrmalaryn oryndaý barysynda jasyryn oryn aýystyrý, torýyldar men bólimshelerdi búrkemeleý sharalary qoldanyldy.
«Nysanalardy kez kelgen jaǵdaıda dál ári tez joıa bilý – qoıylǵan mindetterdi sátti oryndaýdyń kepili. Mundaı jattyǵýlar jeke quramda atys áreketterindegi senimdi daǵdylar men óz kúshine degen senimdilikti qalyptastyrady», dedi atys nusqaýshysy zapastaǵy polkovnık Serik Omarov.
Barlyq sabaqtar qaýipsizdik sharalary saqtala otyryp, shtattyq qarý-jaraq pen jeke qorǵanys quraldaryn paıdalaný arqyly ótkizildi. Jattyǵýlar atys júrgizý jáne jaýyngerlik daıarlyq boıynsha praktıkalyq daǵdylardy jetildirýge yqpal etti.
