Sondyqtan da, sybaılas jemqorlyqpen kúresý – kez kelgen eldiń mańyzdy strategııalyq mindetteriniń biri.
Sybaılas jemqorlyq – bul laýazymdy tulǵalardyń óz qyzmettik ókilettikterin jeke bas paıdasy úshin paıdalanyp, para alý, para berý, qyzmet babyn teris paıdalaný, týystyq ne basqa baılanystardy asyra paıdalaný sekildi áreketter.
Sybaılas jemqorlyqtyń saldary tek qana jeke adamǵa emes, tutas qoǵamǵa zııan keltiredi, atap aıtqanda: memlekettik bıýdjetke túsetin kirister azaıady, áleýmettik ádilettilik buzylady, azamattardyń bılikke degen senimi joǵalady, ınvestorlardyń qyzyǵýshylyǵy tómendeıdi, memlekettegi quqyqtyq tártip álsireıdi.
Qazaqstanda sybaılas jemqorlyqqa qarsy kúres memlekettik saıasattyń basty baǵyttarynyń biri. 2015 jyly qabyldanǵan «Sybaılas jemqorlyqqa qarsy is-qımyl týraly» Zań osy baǵytta jasalǵan mańyzdy qadam. Sonymen qatar «Adaldyq alańy», «Sanaly urpaq», «Jemqorlyqsyz bolashaq» syndy jobalar iske qosylǵan, memlekettik qyzmetkerlerge arnalǵan ádep kodeksi bekitilgen. Búginde elektrondyq memlekettik qyzmetter júıesi engizilip, adamı faktordy azaıtý qolǵa alynýda jáne ashyqtyq pen esep berýdiń jańa tetikteri qurylýda.
Sybaılas jemqorlyqpen kúres tek memlekettiń ǵana emes, búkil qoǵamnyń ortaq isi bolýy tıis. Árbir azamat zańǵa baǵynyp, para berýge nemese alýǵa jol bermeı, der kezinde belgili bolǵan sybaılas jemqorlyq derekteri týraly habarlap, óziniń quqyqtary men mindetterin bilý qajet.
Sybaılas jemqorlyqty joıý – uzaq merzimdi prosess. Ol tek quqyq qorǵaý organdarynyń ǵana emes, árbir azamattyń belsendi ustanymyn talap etedi. Tek qana ádilettilik pen ashyqtyqqa negizdelgen qoǵamda ǵana turaqty damý bolady. Bizdiń ortaq maqsatymyz da – ádil, taza jáne damyǵan Qazaqstandy qurý.
QR Sot ákimshiligi Áskerı soty departamentiniń
Ishki qaýipsizdik bóliminiń bas mamany
A.Adenov
