Shartty ózgertýge bolady
Eger qarjylyq jaǵdaıyńyz qıyndap ketse, kredıtti tóleý sharttaryn ózgertýge ótinish bere alasyz. Ol úshin bankke, MQU-ǵa nemese kollektorlyq agenttikke jazbasha ótinish tapsyrý kerek. О́tinishke jaǵdaıyńyzdy dáleldeıtin qujattardy qosa beresiz. Bul qujattar – jumyssyz retinde tirkelgenińiz týraly anyqtama, jumystan bosatylǵanyńyzdy rastaıtyn akt, jalaqysyz demalysqa shyqqanyńyzdy kórsetetin qujat, jaqyn týysyńyzdyń aýyrǵanyn nemese qaıtys bolǵanyn dáleldeıtin anyqtama, múgedektińtiń bar ekenin aıqyndaıtyn qujaty nemese sot aktileri bolýy múmkin.
Tolyq tizim Agenttiktiń saıtynda bar. О́tinishti bankke nemese MQU-ǵa baryp jeke tapsyrýǵa bolady. Keı jaǵdaıda mobıldi qosymsha nemese elektrondyq poshta arqyly joldaýǵa múmkindik bar. Kredıtor ótinishti 15 kún ishinde qaraýǵa mindetti.
Shaǵymdanýǵa da quqylysyz
Eger bank nemese MQU qabyldaǵan sheshim kóńilińizden shyqpasa, ombýdsmanǵa shaǵymdanýǵa quqyǵyńyz bar. Banktik qaryzdar boıynsha – bank-ombudsman.kz saıty arqyly, al MQU qaryzdary boıynsha – mfombudsman.kz saıty arqyly ótinish joldaýǵa bolady.
Shaǵymǵa qaryz sharty, tólem kestesi, bankke nemese MQU-ǵa jazǵan ótinishtiń kóshirmesi, olardyń jaýaby jáne qıyn jaǵdaıyńyzdy dáleldeıtin qujattar qosa berilýi tıis. Ombýdsman qyzmeti tegin ári sheshimi mindetti túrde oryndalady. Biraq ombýdsmanǵa tek kredıtorǵa resmı ótinish jasap, jaýap alǵannan keıin ǵana júgine alasyz.
Bankrottyq ta kómektesedi
Eger qaryzdy múlde tóleý múmkin bolmasa, «Azamattardyń tólem qabilettiligin qalpyna keltirý jáne bankrottyǵy týraly» zań boıynsha bankrottyq rásimin bastaýǵa bolady. Ol úshin birneshe shart oryndalýy qajet: qaryz kólemi 1600 AEK-ten asýy; tabys jetispeýi; satýǵa bolatyn múlki bolmaýy; 12 aı boıy tólem jasalmaýy; qaryz alýshy jeke kásipker bolmaýy; keıingi 7 jylda bankrottyqtan ótpegen; keıingi 5 jylda qaryzyn qaıta qurmaǵan bolýy tıis. Rásim tegin jáne ony eGov.kz portaly arqyly nemese HQKO-ǵa baryp bastaýǵa bolady.
Bankrottyq rásiminen keıin boryshtar keshirilgenimen, onyń saldary bar. Qaryz alýshy 5 jyl boıy jańa kredıt pen qaryz ala almaıdy, 3 jyl boıy memlekettik jáne kvazımemlekettik uıymdarda qarjy basqarýǵa baılanysty qyzmet atqara almaıdy. Sonymen birge bankrottyq týraly málimet resmı tizilimde saqtalyp, bolashaqtaǵy qarjylyq bedelge áser etýi múmkin. Sondyqtan bankrottyqty bastamas buryn onyń barlyq artyqshylyǵy men saldaryn muqııat oılaný qajet.
