ASTANA. 8 mamyr. Qyzylorda oblysy Qazaly aýdanynyń Basyqara aýylynda Uly Jeńistiń 70 jyldyq merekesine oraı «Jeńis juldyzy» eskertkish stellasy saltanatty túrde ashyldy. Oǵan aýyl turǵyny, Uly Otan soǵysynyń ardageri Pirnazar Myrzataev ta qatysty. Bul týraly egemen.kz habarlady.
Saltanatty sharada aýdan ákimi Bahyt Jahanov jınalǵandardy Jeńistiń 70 jyldyq merekesimen quttyqtap, halqymyzdyń dańqty ul-qyzdarynyń qan maıdan men tyldaǵy óshpes erligi eshqashan umytylmaıtynyn aıtty.
Jalpy, bıyl Qazaly aýdanynyń birqatar aýyldarynda osyndaı eskertkishterdi jasaý jáne qaıta jańǵyrtý úshin 100 mln. teńgege jýyq qarajat bólindi. Nátıjesinde 11 aýyldyq okrýgte jańadan «Jeńis juldyzy» eskertkish stellasy boı kóterip, alańdar men saıabaqtardy abattandyrý jumystary júrgizildi.
Elaman Qońyr.
Derek, sýret: egemen.kz.
