Statıstıkaǵa zer salsaq, Qazaqstandaǵy turǵyn úı qurylys jınaq júıesine kún saıyn 2 500 adam óz jınaqtaryn senip tapsyrady. Bul – elde eńbek etip júrgen árbir úshinshi azamat qoljetimdi sharttarmen bolashaqta baspanaly bolý úshin Otbasy bankine júginedi degen sóz. Bank kún saıyn shamamen 2 500 jańa depozıt ashyp, 190-ǵa jýyq nesıe beredi. Bul — turǵyn úı qurylys jınaq júıesiniń tıimdi jumysynyń nátıjesi. Áleýmettik mańyzy joǵary qural elimizde 22 jyldan beri tabysty qoldanysta.
Konferensııada Eýropa jáne Ortalyq Azııadan kelgen jetekshi sarapshylar turǵyn úı salasyndaǵy strategııalarmen, ınnovasııalyq tájirıbelerimen bólisip, ásirese, ESG men «jasyl» qarjylandyrýdyń mańyzyn keńinen talqylady.
Konferensııada sóz alǵan KAZGBC atqarýshy dırektory Aleksandr Belyı: «Álemde klımattyń ózgergeni ras. Biz qandaı jaǵdaıda da jasyl qurylyspen aınalysýǵa tıispiz. Otbasy banktiń bul baǵyttaǵy jarqyn qadamyn aıryqsha ataýǵa bolady. Bul rette halyqaralyq standarttarǵa saı jumys isteý mańyzdy. Tek tabys tabýdy kózdemeı, azamattarǵa yńǵaıly jaǵdaı jasaýymyz kerek. Áleýmettik, arzan baspanalar salynǵanda, olardaǵy energııa únemdilik jaǵy da nazarǵa alynǵany abzal», dep atap ótti.
Al «Qazaqstan Turǵyn úı kompanııasy» AQ Basqarma tóraǵasy Altaı Kýzdıbaev, Jasyl ǵımarattardy damytýda ornyqty ári turaqty damý maqsaty nazarǵa alynýy qajettigin basa aıtty. «Bárimizge mańyzdy taqyrypty talqylaýǵa alań usynǵan Otbasy bankke alǵys aıtamyz. Energotıimdi úı tetik pen mehanızm ǵana emes, barlyq jaǵynan qolaıly. Ár turǵynǵa 30 sharshy metr baspana qajet desek, tutas turǵyndarǵa 250 mln sharshy metr úı salýǵa týra keledi. Qazirdiń ózinde birneshe ákimdikpen birlesken jumys bastalyp ketti. Munyń bári ESG sheńberinde júredi. Elimizdegi úılerdiń 40%-y 1970 jylǵa deıin salynǵan úıler. Olardy birtindep jańartý mańyzdy. Bul baǵytta Otbasy bankpen tyǵyz qarym-qatynas jasap otyrmyz»,- deıdi A. Kýzdıbaev.
Otbasy banki basqarmasy tóraıymy Lázzat Ibragımovanyń aıtýynsha, turǵyn úı qurylys jınaq júıesi 622 538 otbasyǵa jańa úıge qonys aýdarýǵa múmkindik berdi. 3 mıllıonnan astam qazaqstandyq óz jınaqtaryn Otbasy bankine senip tapsyrǵan. Búginde azamattadyń shottarynda 2,5 trln teńgeden astam qarajat jınaqtalǵan. Júıeniń ereksheligi – ony halyqtyń barlyq toptary paıdalana alatynynda. Qazirgi tańda ekonomıkalyq belsendi halyqtyń 30,9% jınaq júıesiniń qatysýshylary.
Jıynda jasyl qurylysty damytýdyń mańyzdylyǵy erekshe atap ótildi. Bul – qorshaǵan ortaǵa zııan keltirmeıtin, energııa tıimdiligine, ekologııalyq qaýipsizdikke negizdelgen baǵyt ekeni basa aıtyldy. Mundaı bastamalar qalalardyń turaqty damýyna, turǵyndardyń ómir súrý sapasynyń artýyna oń yqpal etpek.
«Almatydaǵy konferensııa – azamattardy qoljetimdi baspanamen qamtamasyz etýde turǵyn úı jınaq júıesiniń mańyzdy rólin talqylaý úshin halyqaralyq jáne óńirlik sarapshylardy biriktirýge arnalǵan biregeı múmkindik. Eki onjyldyqtan astam ýaqyt boıy Otbasy bank Qazaqstanda «Bauspar» modelin engizý men tabysty damytýda pioner bolyp keledi jáne ol tek óńirde ǵana emes, halyqaralyq deńgeıde de úlgi kórsetip otyr. Men bul shara ozyq tájirıbeni pash etip qana qoımaı, turǵyn úı qarjylandyrý júıelerin búkil álemde nyǵaıtýǵa yqpal etetin jańa seriktestik baılanystar men ınnovasııalyq ıdeıalardyń damýyna jol ashady dep senemin», dedi Halyqaralyq turǵyn úı qarjylandyrý odaǵynyń Bas hatshysy Mark Vaınrıh.
