Kim jeńedi: Golovkın be, Klıchko ma?

Osyǵan deıin WB-nyń basshylyǵyna úmit­kerler sany ekeý ǵana edi. Olar – elimizdiń áıgili kásipqoı boks­shysy, eń beldi nusqalar boıynsha orta salmaqtaǵy álemniń eks-chempıony, Ulttyq olımpıada komıtetiniń prezıdenti Gennadıı Golovkın men Grekııanyń boks qaýymdastyǵynyń jetekshisi Harıs Marıolıs.

Kúni keshe taǵy bir úmitkerdiń esimi belgili boldy. Ol – Vladımır Klıchko. 49 jastaǵy Ýkraınanyń ataqty boksshysy bizge bóten emes, 1976 jyly Semeı óńirinde dúnıege kelgen. Balalyq shaǵy sol jerde ótti. Keıinnen otbasy ózderiniń tarıhı otanyna oraldy. Boksqa myqtap den qoıǵan Klıchko áýesqoılar arasynda At­lanta Olımpıadasynyń (1996) jeńimpazy, Eýropa chempıonatynyń kúmis júldegeri atandy.

1996 jyldyń sońynda Vladımır kásipqoı rıngtegi tusaýkeser kezdesýin ótkizdi. 20 jyldan asa ýaqyt aralyǵynda barlyǵy 69 jekpe-jek ótkizip, 64 ret jeńiske jetti, 54 qarsylasyn esinen tandyrdy. Bes márte utylyp, taǵy bir kezdesýdiń nátıjesi esepke alynbady. Ýkraınanyń dúldúli asa aýyr sal­maqta uzaq ýaqyt boıy eń beldi WBO (2000-2003, 2008-2015), IBF (2006-2015), IBO (2006-2015), WBO (2011-2015) nusqalarynyń chempıondyq belbeýine ıelik etti. 2017 jyly shaý tartyp qalǵan shaǵynda Londonda Ulybrıtanııanyń alyby Entonı Djoshýadan jeńilgennen keıin Vladımır bylǵary qolǵabyn shegege ildi. Onyń týǵan aǵasy Vıtalıı Klıchko da kezinde álemdegi eń beldi boksshylar sanatynda boldy. Ol da álem chempıony atanyp, sol ataǵyn san márte sátti qorǵady. Qazir Vıtalıı Klıchko Kıev qalasynyń meri qyzmetinde.

Úmitkerler sany osymen shek­telip qalmaıtyny anyq. О́ıt­keni ótinish qabyldaý merzimi kongress ­bastalýyna týra bir aı qalǵanǵa deıin jaǵasady. ­WB-nyń qazirgi prezıdenti, nıderlandyq fýnk­sıoner Borıs van der Vorst ekinshi merzimge saılaýǵa túsýden óz erkimen bas tartty.