Foto: gov.kz
Memleket basshysy Qasym-Jomart Toqaevtyń qoldaýymen júzege asyp jatqan keshendi sharalardyń nátıjesinde jastardyń muǵalim bolýǵa yntasy artyp keledi. Pedagog mamandyǵy boıynsha oqyp jatqan stýdentterdiń shákirtaqysy keıingi bes jylda 2 ese kóbeıip, jańa oqý jylynan bastap 84 myń teńge boldy. 2004-2005 oqý jylynda 1800-ge jýyq «Altyn belgi» ıegeri pedagogıkalyq mamandyqqa oqýǵa tússe, bıyl 2 myńnan astam úzdik túlek ustaz mamandyǵyn tańdaǵan. Bul – osy jyly oqý bitirgen «Altyn belgi» ıegerleriniń 23 paıyzǵa jýyǵyn quraıdy.
Jas pedagogterdi qoldaý maqsatynda pedagog-tálimgerler men pedagogıkalyq qyzmetin jańa bastaıtyn jas mamandar úshin arnaıy bilim berý kýrstarynyń baǵdarlamalary men ádistemelikteri ázirlengen. Odan bólek aýylǵa bilikti kadrlardy tartý maqsatynda «Dıplommen aýylǵa» baǵdarlamasy turaqty júzege asyrylyp jatyr.
