Mysaly, ınvestorlarǵa qatysty ákimshilik is qozǵaý úshin mindetti túrde prokýror ruqsaty talap etiledi. Degenmen taldaý barysynda memlekettik organdardyń Ákimshilik quqyq buzýshylyqtar týraly kodeksiniń talaptaryn buzý faktileri anyqtaldy. Atap aıtqanda, ekologııa departamentiniń laýazymdy tulǵalary prokýrordyń kelisiminsiz ınvestor «Shalqııa Sınk LTD» jaýapershiligi shekteýli seriktestigin ÁQBtK-niń 325-babymen (óndiristik ekologııalyq baqylaýdy júrgizý talaptaryn buzý) eki ret ákimshilik jaýapkershilikke tartqan.
Anyqtalǵan buzýshylyqtar boıynsha Qyzylorda oblysynyń prokýratýrasy qadaǵalaý aktisin engizip, nátıjesinde ekologııa departamenti basshysynyń orynbasary men bas mamany tártiptik jaýapkershilikke tartyldy.
Oblys prokýratýrasy ınvestorlardyń quqyqtary men zańdy múddelerin qorǵaýdy qamtamasyz etedi. Bul baǵyttaǵy jumystar erekshe baqylaýda bolady.
