Pıter Foster Air Astana tobymen yntymaqtastyǵyn jalǵastyryp, dırektorlar keńesiniń aǵa keńesshisi qyzmetin atqarady.
Kompanııa málimetinshe, qazirgi qarjy jónindegi atqarýshy dırektor Ibrahım Janlyel osy kezeńde bas atqarýshy dırektor laýazymyna taǵaıyndalady.
«Dırektorlar keńesi Pıter Fosterge kompanııany basqarýdaǵy 20 jyldyq úzdik jetistikteri úshin shynaıy alǵys bildirdi. Onyń basshylyǵymen Air Astana qalyptasý kezeńinen bastap búgingi kúni Qazaqstan men Ortalyq Azııanyń jetekshi áýe kompanııasyna, sondaı-aq álemdik avıasııa ındýstrııasynda brendke aınaldy», dedi Air Astana AQ dırektorlar keńesiniń tóraǵasy Nurlan Jaqupov.
Dırektorlar keńesi Ibrahım Janlyeldiń bas atqarýshy dırektor qyzmetine taǵaıyndalýyn quptaıdy. Janlyel myrza Air Astana tobynyń quramynda 2003 jyldan beri jumys isteıdi: aldymen kommersııalyq baǵyttarda jetekshi qyzmetter atqaryp, keıin 2017 jyldan bastap qarjy jónindegi atqarýshy dırektor laýazymyn ıelendi.
«Onyń kompanııanyń damýyna qosqan úlesi zor, ári ol toptyń qyzmetinde de, jalpy avıasııa salasynda da mol tájirıbe jınaǵan. Dırektorlar keńesi Ibrahım Janlyeldiń basshylyǵymen kompanııa odan ári ósip, jańa jetistikterge jetetinine tolyq senim bildired», dedi Nurlan Jaqupov.
Air Astana-nyń málimdeýinshe, bul sheshim kompanııanyń úzdiksiz damýy men basshylyqtaǵy sabaqtastyqty qamtamasyz etý maqsatynda qabyldanǵan.
