Foto: ashyq derekóz
Bul qujat aıasynda elimizde Biryńǵaı sıfrlyq platforma qurylmaq. Ol avtorlyq quqyq obektilerin paıdalanýdy tolyq ashyq etýdi, avtorlar men paıdalanýshylar arasyndaǵy ózara qatynastardy ádil júıege túsirýdi kózdeıdi. Sondaı-aq zańda gonorarlardy bólý úlesi qaıta qaralyp, endi avtorlyq qoǵamdar 20 paıyz, al avtorlardyń ózderi 80 paıyz alatyn boldy. Buǵan deıin bul úles 30/70 qatynasynda bolǵan edi.
Depýtat Erlan Stambekov bul ózgeristerge qarsy pikirlerdiń de bolǵanyn, biraq Parlament ádil sheshim qabyldaǵanyn aıtyp otyr. Endi Ádilet mınıstrligi men Zııatkerlik menshik ulttyq ınstıtýty Biryńǵaı sıfrlyq platformany engizý boıynsha aýqymdy jumysty bastamaq. Depýtat shyǵarmashylyq qaýym ókilderin bul iske belsendi aralasýǵa shaqyrdy.
Jańa zań shyǵarmashylyq ıeleriniń eńbegin ádil baǵalaý men qorǵaýǵa jol ashyp, elde ıntellektýaldyq menshikti qurmetteý mádenıetin qalyptastyrýdy kózdeıdi.
