PETROPAVL. 8 mamyr. Qytaıdyń astanasy Beıjińde sporttyq bılerden ótken IH Álem kýbogy jarysynda Qyzyljar óńiriniń jas bıshileri bas júldeni jeńip aldy. Bul týraly oblystyq dene shynyqtyrý jáne sport basqarmasynyń baspasóz qyzmeti habarlady.
Álem kýbogynyń úsh dúrkin ıegerleri Dánı Jaýkın men Anna Konopkına «Jasóspirim-1» sanaty boıynsha eýropalyq jáne latynamerıkalyq baǵdarlamalardan birinshi oryndy jeńip aldy. Bul jup eresek balalar arasynda da saıysqa túsip, latynamerıkalyq baǵdarlama boıynsha top jardy.
Al, Musa Sultanov pen Marııa Hasanetdınova «Jastar-1» sanatynda eýropalyq baǵdarlamamen shyǵyp, qurmet tuǵyrynyń bıik satysyna kóterildi. Latynamerıkalyq baǵdarlamada kúmis júldeni oljalady.
Qalǵan eki jup bıshileri qola júldege ıe boldy.
О́mir Esqalı.
Derek, sýret: Soltústik Qazaqstan oblystyq dene shynyqtyrý jáne sport basqarmasy.
