Mamandardyń dereginshe, tek Astananyń ózinde qaryzyn 90 kúnnen beri tólemegen turǵyndar sany 116 myńǵa jýyqtaǵan. Bıyl sol boryshkerlerdiń shamamen úshten biri arnaıy oqytý kýrstaryna qatysyp, qarjylyq saýattylyq negizderin meńgermek.
Joba aıasynda qarjygerler men zańgerler halyqqa qaryzdy basqarý joldaryn, bankrottyq rásimdeý tártibin jáne nesıelik táýekelderden saqtaný tásilderin túsindiredi.
Baǵdarlama iske qosylǵannan beri 16 myńnan astam adam dáris tyńdap úlgergen. Olardyń basym bóligi jeke bankrottyqty rásimdeý jóninde naqty keńes alǵan.
Jobanyń nátıjesinde 10 myńǵa jýyq azamat óz máselesin sotqa jetkizbeı bankrottyq rásimin bastaǵan. Al 500-den astam adamnyń isi qazir sot arqyly qaralýda.
Mamandardyń aıtýynsha, halyqtyń qarjylyq saýatyn arttyrý – nesıelik daǵdarysty azaıtýdyń eń tıimdi joly.
