- World Boxing (WB) kongresinde jańa prezıdent saılaýy ótip, elimizdiń Ulttyq Olımpıada komıtetiniń prezıdenti, áıgili boksshy Gennadıı Golovkın, Grekııa boks qaýymdastyǵynyń jetekshisi Harıs Marıolıs, Ýkraınanyń ataqty sportshysy Vladımır Klıchko sol uıymnyń basshylyq qyzmetinen dámeli ekenin jazǵan edik. Kúni keshe Klıchkonyń raıynan qaıtqany belgili boldy. Ol BAQ ókilderine bergen suhbatynda Rımdegi kongresste saılaýǵa túspeıtinin resmı túrde málimdedi.
- 22 qazanda BAÁ-niń Ábý-Dabı qalasynda aralas jekpe-jekten ótetin UAE Warriors týrnırinde Súndet Aıtqul (11-2-0) kúsh synasady. Qazaq faıteri brazılııalyq Gvıdo Santospen (17-3-1) saıysqa túsedi. Esterińizge sala keteıik, osy jarysta jeńimpaz atanǵan sportshy álemdegi eń beldi promoýshen – UFC-de óner kórsetý qurmetine ıe bolady.
- Álemdik reıtıngte 17-orynda turǵan Aleksandr Býblık 13–19 qazan aralyǵynda Alataý baýraıynda jalaýy jelbireıtin «Almaty Open» týrnırine qatysýdan bas tartty. О́tken aptada ol Shanhaıdaǵy «Masters» jarysynda úzdikter tiziminde 202-satyǵa jaıǵasqan Monako tennısshisi Valenten Vasherodan utylǵan edi. Sodan keıin jeke bapkeri elimizdiń birinshi raketkasyna biraz ýaqyt demalys berýdi jón kóripti.
- Shańǵymen tuǵyrdan sekirýden Polshanyń Shırk qalasynda uıymdastyrylǵan halyqaralyq týrnırde Danıl Vasılev altyn alsa, Ilıa Mızernyh kúmispen kúpteldi. Úzdik úshtikti polshalyq Klemens Stashel túıindedi.
- 9–12 qazan aralyǵynda Kanadanyń Monreal qalasynda short-trekten álemdik týrdyń alǵashqy irikteý kezeńi ótedi. Básekede elimizdiń namysyn Denıs Nıkısha, Abzal Ájiǵalıev, Ádil Ǵalıahmetov, Gleb Ivchenko, Mersaıd Jaqsybaev, Nurtilek Qajyǵalı, Iаna Han, Olga Tıhonova, Zeınep Qumarqan, Alına Ájiǵalıeva, Málıka Ermek qorǵaıdy.
