Ekonomıka sholýshysy Aıbar Oljaevtyń pikirinshe, teńge erkin aınalymdaǵy valıýta. Onyń baǵamyn úkimet te, Ulttyq Bank te qolmen ustap turmaıdy.
«Teńge naryqtyq valıýta. Baǵamdy suranys pen usynys anyqtaıdy. Biz muny 2015 jyldan bastap tańdadyq. Sondyqtan keıde teńge álsirep, keıde qaıta kúsheıip otyrady bul qalypty jaǵdaı», deıdi sarapshy.
Onyń aıtýynsha, bıylǵy álsireýge birneshe sebep bar. Import kólemi artty, ıaǵnı syrttan keletin taýar kóbeıgen saıyn dollarǵa suranys ósedi. Munaı baǵasy tómendep, eksporttyq kiris azaıdy. Rýbl de álsirep jatyr, bul teńgege tikeleı áser etedi.
«Qazir Ulttyq Bank tek ınflıasııany baqylaýmen aınalysady. Al teńge baǵamy naryqtyń enshisinde. Muny álsireý dep emes, ekonomıkanyń óz yrǵaǵy dep túsiný kerek», deıdi A. Oljaev.
Sarapshynyń aıtýynsha, teńge baǵamyn qoldan ustap turý tıimsiz. Buryn sol úshin mıllıardtaǵan dollar rezerv jumsadyq. Biraq ol uzaqqa barmaıdy. Eń durys jol – ekonomıkany ártaraptandyrý ári óndiristi kúsheıtý. Sol kezde teńge tabıǵı túrde nyǵaıady.
«Bıyl dollar 600 teńgeden aspaıdy dep oılaımyn. Teńge álsiz emes ol naryqqa beıimdelgen valıýta. Biz eń aýyr kezeńnen óttik, endi teńge óz tepe-teńdigin tabady», dep túsindirdi ekonomıst.
