Atyraý qalalyq ákimshilik quqyq buzýshylyqtar jónindegi mamandandyrylǵan sotynda quqyq buzýshyǵa qatysty Ákimshilik quqyq buzýshylyq týraly kodeksiniń 440-babynyń 3-bóligimen (Alkogoldik ishimdikterdi ishý nemese qoǵamdyq oryndarǵa masań kúıde kelý), 669-babynyń 3-bóligimen (Sot úkimin, sot sheshimin nemese ózge de sot aktisin jáne atqarýshylyq qujatty oryndamaý) qozǵalǵan ákimshilik is qaraldy.
«Azamat N. 2025 jylǵy 29 qyrkúıekte saǵat 20:00 shamasynda qoǵamdyq orynda alkogoldik ishimdik ishken masań kúıde júrgen. Ol Atyraý qalasynyń ákimshilik quqyq buzýshylyqtar jónindegi mamandandyrylǵan sotynyń 6 aı merzimge minez-qulqyna erekshe talaptar belgileý, alkogoldik ishimdik ishýge tyıym salý jónindegi qaýlysyn buzǵan. Osylaısha ákimshilik quqyq buzýshylyqtardy bir jyl ishinde birneshe ret qaıtalaǵan. N.-nyń kinási ákimshilik quqyq buzýshylyq týraly, saýalnama hattamalarmen, sot qaýlylarymen jáne is materıaldarymen rastaldy», dep habarlady atalǵan sottan.
Sot qaýlysymen N. ákimshilik quqyq buzýshylyqtar jasaǵany úshin kináli dep tanyldy. Oǵan ákimshilik jaza retinde 25 táýlik ákimshilik qamaqqa alý túrindegi jaza qoldanyldy.
Sot qaýlysy zańdy kúshine engen joq.
