Foto: Sý resýrstary jáne ırrıgasııa mınıstrligi
Jobalaý-smetalyq qujat 2023 jyly qaıta qaralyp, túzetýler engizý bastalǵan. Qazir júrip jatqan qurylys-montaj jumystary josparǵa sáıkes 2026 jyldyń sáýir aıynda aıaqtalady.
Sala mınıstrliginiń málimetinshe búginde úsh sý qaqpaǵy men burandaly kótergishter alynyp, qaıta ornatylǵan. Bógettiń sý tasıtyn bóliginde armatýralyq torlar tolyq ornatylyp, beton quıý jumystarynyń 90 paıyzy aıaqtalǵan. Sonymen qatar ózenniń joǵarǵy bóligi laı men tunbadan tazartylyp, qosalqy bóget turǵyzylyp jatyr. «Qazaqstan» magıstraldy kanalynyń sý alý nysanynda da jóndeý jumystary qatar júrgizilip jatyr.
Sý resýrstary jáne ırrıgasııa vıse-mınıstri Erbolat Ibraıhanovtyń aıtýynsha jobanyń maqsaty – «Jańa-Toǵan» kanalyna sýdy tıimdirek jetkizý, ózen túbindegi laı men shógindiniń sýǵa aralaspaýyn qamtamasyz etý jáne balyqtardyń qyrylýynyń aldyn alý.
«Al magıstraldy kanal men ondaǵy qurylystardy jóndeý sýdyń durys bólinýine, ysyraptyń azaıýyna jáne sýdy únemdep paıdalanýǵa múmkindik beredi», dedi E.Ibraıhanov.
