Jambyl oblysynyń ákimi Erbol Qarashókeev Qordaı aýdanyndaǵy «Shoqpar-Gagarınskoe» JShS taý-ken baıytý kombınatynyń qurylysyn bastaý rásimine qatysty.
Bul joba – Memleket basshysy Qasym-Jomart Toqaevtyń óńdeý salasyna ınvestısııa tartý jáne iri, orta, shaǵyn ınvestorlarmen ózara tyǵyz baılanys ornatý jónindegi tapsyrmalaryn júzege asyrýǵa negizdelgen.
Atalǵan bastamany otandyq ınvestor júzege asyrýda. Kásiporynda jylyna 500 myń tonna ken óndirý josparlanyp otyr. Jalpy ınvestısııa kólemi – 47 mlrd teńge.
Bıyl 10 mlrd teńge kólemindegi qarjy esebinen qyzmetkerlerge arnalǵan jataqhana men zaýyttyń qurylysy bastalady dep kútilýde. Qazirgi tańda geologııalyq barlaý jumystary júrgizilip jatyr.
Qurylysqa 100-den astam adam tartylady. Kombınat tolyq iske qosylǵannan keıin 400-den 500-ge deıin jańa jumys orny ashylady.
Investısııalyq jobany júzege asyrý maqsatynda jergilikti ákimdik tarapynan 1 101 gektar jer telimi bólinip, ýaqytsha 44 shaqyrym elektr jelisi tartyldy.
«Shoqpar-Gagarınskoe» JShS dırektory Semıon Han óndiris oshaǵynda kez kelgen polımetall kenin óńdeýge qabiletti biregeı tehnologııa qoldanylatynyn atap ótti.
