Sýret: gov.kz
Aıtýly naýqanǵa ázirlikti kórý úshin shaharǵa Ortalyq saılaý komıssııasynyń tóraǵasy Nurlan Ábdirovtiń ózi keldi. Tóraǵa bul jumys saparynyń maqsaty saılaý zańǵa saı ádil ótý úshin mamandardyń ázirligin qadaǵalap, jalpy kópshilikke túsindirý jumystaryn júrgizý jáne jastarmen kezdesý ótkizý ekenin aıtty. Osylaısha, N.Ábdirovtiń tóraǵalyǵymen Semeı qalasy ákimin saılaýǵa daıyndyq jáne ony ótkizý máseleleri jóninde memlekettik organdardyń basshylary qatysqan arnaıy jıyn ótti. Jıynda jergilikti resmı mamandar qalada qazir 200 myńnan asa saılaýshy baryn, saılaýdy ótkizýge 128 ýchaskelik komıssııada 929 adam jumys isteıtinin baıandady.
– Semeı qalasy ákimin saılaý naýqanyn ótkizý barysynda barlyq 128 saılaý bólimshesi qajetti materıaldyq-tehnıkalyq quraldarmen qamtamasyz etilgen jáne saılaý ótkizýge ázir. Bólimsheler talaptaryna saı, onyń ishinde múgedektigi bar azamattarǵa jaǵdaı qarastyrylǵan. Bolýy múmkin daýly jaǵdaılarǵa jedel áreket etý maqsatynda shtab quryldy. Jedel shtab músheleri qoǵamdyq-saıası jaǵdaıǵa kúndelikti monıtorıng júrgizip otyr, saılaý kúni kommýnaldyq kásiporyndarda, TÚKSh, jolaýshylar kóligi jáne avtomobıl joldary bólimderinde jaýapty tulǵalardyń kúsheıtilgen kezekshiligi júzege asyrylady, – deıdi Semeı qalasy ákimi apparatynyń basshysy Erken Berkenov.
Ortalyq saılaý komıssııasynyń tóraǵasy elimizde saılaý qalaı ótetinin jastarǵa da túsindirip, ózge de memleketterdiń úlgisin mysalǵa keltirdi. Ol demokratııa men halyq daýysyn bildirýdiń mańyzyna toqtalyp, jastardyń suraqtaryna jaýap berdi.
– Bizge kórshiles, baýyrlas О́zbekstan byltyr óz reformalaryn ótkizdi. Endi olar aýdan, aýyl ákimderin saılamaqshy. Biraq olarda saılaıtyn – bizshe máslıhat depýtattary. Bizde olaı emes, bizde tikeleı halyq saılap otyr. Sondyqtan halyq saılaýda belsendi bolýǵa tıis, – dedi OSK tóraǵasy.
Aýmaqtyq saılaý komıssııasyna tórt úmitker tirkelgen. Olar – Aıbolat Bekjasarov, Ádilet Qojanbaev, Qýanysh Tóleýov, Qanat Shapatov. Tirkelgen kandıdattarǵa óz baǵdarlamalaryn saılaýshylarǵa tanystyrý úshin 11 qazan, túngi saǵat 12.00-ge deıin ýaqyt berildi. Odan keıin zańǵa sáıkes kez kelgen úgit-nasıhatqa tyıym salynǵan.
Budan soń 26 qazanda aımaqta máslıhat depýtattarynyń bosaǵan oryndaryna saılaý ótedi. Bul elimizdiń 16 aımaǵyna qatysty. Al Abaı oblysynda máslıhat depýtattaryn saılaý Aqsýat, Jarma, Borodýlıha, Maqanshy aýdandarynda bolady.
Abaı oblysy
